ஓசூர் வரலாறு. History Of HOSUR

ஓசூர் வரலாறு. History Of HOSUR

குளிர் போர்வையால் 

போர்த்தப்பட்ட இரவும்,

வெண்பனித்திரையால்

மூடப்பட்ட காலையும்,

எங்கெங்கு காணினும் அழகிய பூந்தோட்டம் ,

பலவண்ண கலவையில் சொக்கவைத்த...

தூய குளிர்ந்த காற்று வீசிய ஒசூர்  தற்பொழுது ,வெப்பத்தின் பிடியிலும் சிக்குண்டு கிடக்கிறது, 

இந்நகர் இன்றைய உலக தொழில் வரைபடத்தில் நிரந்தர இடம் பிடித்துவிட்டது.

மிக அமைதியான  கிராமத்தன்மை கொண்டிருந்த  ஒசூர் இன்று  நகரங்களுக்கு உரிய பரபரப்பு தன்மையோடு இயங்கிக் கொண்டு இருக்கிறது,

அருகில் இருக்கும் கர்நாடக தலைநகர் பெங்களூர் தொழிற்சாலைகள் நிரம்பி பிதுங்கியபோது  

அதே சீதோஷ்ண நிலை அடுத்துள்ள புறநகர் பகுதி போன்று அமைந்திருந்த ஒசூர் அனைவரின் கவனத்தையும் ஈர்த்த ஒன்றாகும்.

தமிழக அரசும் இந்த புதிய  சூழ்நிலையை நன்கு பயன்படுத்தி தொழிற்சாலை தொடங்குவதற்கான

மின்சாரம்,போக்குவரத்து,

சாலை வசதி,

இடவசதி போன்றவைகளை செய்து கொடுத்தது.

அதன் விளைவாகக் கன்னியாகுமரி முதல்  காஷ்மீர் வரையுள்ள அத்தனை  மொழியினரும், இனத்தினரும்

ஒசூர் நகரவாசிகளாக வியாபித்து இருக்கின்றனர்.

இன்று குட்டி இந்தியாவாக இருக்கிறது.

சிறிதும்,பெரிதுமான தொழிற்சாலைகள் இங்கு உள்ளன.  ஒசூர் இன்று இத்தகைய  பெருமையைஉள்ளடக்கியதாக இருந்தாலும் கடந்த 800 ஆண்டு வரலாற்றை தன்னகத்தே கொண்டு பறைசாற்றிக்கொண்டிருக்கிறது.

ஒசூர்" என்று தமிழிலும் "ஹோசூர்" என்று பிற மொழிகளிலும் அழைக்கப்படும் இந்த ஊர் 

"ஒச ஊரு" என்றும் 

(மிகப்பழைய பெயர் செவிடநாடு)

 ஆதி நாட்களில் அமைக்கப்பட்டுள்ளதாக வரலாற்று பதிவுகள் உள்ளன.

கன்னட மொழியில் ஒச என்றால் புதிய என்று பொருளாகும்.

புதிய ஊர் தான் ஒசூரானது, 

 

1129 சாலிவாகன சக ஆண்டு அதாவது சுமார்,

கி.பி 1207 ஆம் ஆண்டு ஒசூர் நியமிக்கப்பட்டதாக ஆவணங்களின் மூலம் அறிய முடிகிறது. 

வடமாநிலத்தில் உள்ள மதுரா நகரை அடுத்து கோகுல பிருந்தாவனம் என்ற ஊர் உள்ளது.

அங்கிருந்து இடம் பெயர்ந்து வந்து,ஒசூர் அருகிலுள்ள  பாகலூரைத் தம் இருப்பிடமாக்கிக் கொண்டு ஆட்சி செய்தவர் பட்டா குர்ரப்ப நாயகா என்னும்

குறுநில மன்னன்.

அவரது ஆணையை ஏற்று 

பட்டத குர்ரப்ப நாயகா

ஒசூர் நகரை நிர்மாணித்தார்.

ஒசூரில் பழமையும்,சிறப்பும் வாய்ந்த

மலைக்கோவிலான சந்திர சூடேஸ்வரர் கோயிலில்

படியெடுக்கப்பட்ட 

கல்வெட்டில் சக ஆண்டு 1218 கி.பி 1296 இல் இக்கோவிலின் மூலவர் செவிட நாயனார் 

என்று அமைக்கப்பட்டதாக அறியமுடிகிறது.

ஊரின் பெயரும் செவிடநாடு என்று 

கூறப்பட்டது. 

கோயிலுக்கு உள்ளும்,கோவிலில் 

பிரதான சுவர்களிலும் 

உள்ள கல்வெட்டுக்களில் 

செவிட நாயனார் என்று குறிக்கப்பட்டுள்ளதை

இன்றும் படித்தறியலாம்.  

பின்னர் இராமநாத மன்னன் ஒசூர் நகர ஆட்சியில் அமர்ந்தார்.

வேப்பனம்பள்ளி அருகில் இருந்த குண்டலி என்னும் ஊரே அவரது  தலைநகராக இருந்தது.

அவரும், அவரது மனைவியும் 

இறந்த பின் ஒசூரிலேயே அடக்கம் செய்யப்பட்டது. 

இராமநாத ஏரி என்னும் அவரது பெயரிலேயே "இராம நாயக்கன் ஏரி"  என்று அழைக்கப்படுகிறது. 

இராம நாதனுக்குப் பின் அவரது மகன் விசுவநாதன் ஓசூர் ஆட்சிப்பொறுப்பைஏற்றார்.

விசுவநாதனின் திறமை இன்மையால் அவரது சித்தப்பா மகன் மூன்றாவது பல்லவராயன்

ஆட்சியைக்கைப்பற்றினார். 

அவர் தன்னுடைய ஆளுமையை இன்றைய கேரள மாநிலத்திலுள்ள கண்ணூர் வரை நீடித்தார். 

பிற்காலத்தில் அவர் 

மாறவர்மன் சுந்தரபாண்டியனால்  ஒரு போரில் வீர மரணமடைந்தார்.

அவரோடு ஒய்சளர் ஆட்சி

ஒசூரில் முடிவுற்றது. 

மூன்றாவது பல்லவ ராயன் மறைவுக்குப் பிறகு ராமநாத மன்னனின் அமைச்சர் பெல்லப்பா நாயக்கன் என்பவர் ஒசூர் ஆட்சி பொறுப்பேற்றார். 

பெல்லப்பா:-விஜய நகர சாம்ராஜ்யத்தை நிறுவிய ஹரிஹரா என்பவரின் தங்கையை பெல்லப்பா திருமணம் செய்தார்.

13ம் நூற்றாண்டைச் சேர்ந்த கல்வெட்டுக்களும், ஆவணங்களும் கோலார் நாட்டு அல்லது முரசு நாட்டு அரசன் அத்திமல்லன் ஒசூரை ஆட்சி செய்ததாக செப்புகின்றன.  

அந்த"அழகியபெருமாள்  அத்திமல்லன் காருவாண்டரசன்" என்பவன் திருபுவனமல்லன்  பர்வதிராஜனின் மகன் என்றும் சில கல்வெட்டுக்களால் அறிய முடிகிறது.

இந்த அத்திமல்லன் தான் பாகலூர்

பாளையக்காரர்களைத் தனது கட்டுக்குள் கொண்டுவந்தார்.

அவரது ஆளுகையின் போது தான் இன்றைக்கும் ஒசூரை சுற்றியுள்ள  கிராமங்களான அத்திப்பள்ளி,அத்திமுகம்,

அத்திசத்திரம்,அத்திநத்தம்

ஆகியவை உருவாக்கப்பட்டு அவரது பெயரிலேயே  இன்றளவும் அழைக்கப்பட்டு வருகிறது.

ஒசூரில் ஒய்சளர் ஆட்சி முடிவுற்றவுடன் விஜயநகரை நிர்மானித்த ஹரிஹரா என்னும் அரசன் தனது ஆட்சியினைப் பாண்டிய நாட்டு எல்லை வரை  விரிவுபடுத்தினார்.

அதற்குள் ஒசூர் நாடும் அடங்கியது.

ஹரிஹராவிற்கு பிறகு பெணுகொண்டாவைச்சேர்ந்த அட்சுதராயன் என்ற அரசன் ஜெகதேவராயன் தான் விஜயநகர சாம்ராஜ்ய மாமன்னன்

கிருஷ்ண தேவராயரின் மருமகன் அளியராமராயரின் மகளை திருமணம் செய்து கொண்டவர்.

அவரது  மனைவி நினைவாக இன்றும் ஜெகதேவி என்னும்  ஊர் கிருட்டினகிரி அருகில் உள்ளது. 

அதுதான் அவரது தலைநகராக செயல்பட்டது. 

அவர் பிற்காலத்தில்  

தனது தலைநகரை ராயக்கோட்டை,ரத்தினகிரி ஆகிய இடங்களுக்கு மாற்றினார்.

ஜெகதேவராயரிடமிருந்து 

மைசூர் மகாராஜா ஸ்ரீகண்டீஸ்வர நரசிம்மராஜ உடையார் ஒசூர்  நாட்டை கைப்பற்றினார். 

மைசூர் மகாராஜாக்களிடம் இருந்த ஒசூர் நகரை இரண்டாவது மைசூர் சண்டையின்போது "ஹைதர் அலி"  கைப்பற்றினார். 

ஹைதர் அலி இறந்ததும் 'திப்புசுல்தான்" ஆளுகைக்கு ஒசூர் வந்தது. 

திப்பு சுல்தான்

ஒசூரை ஆண்டபோது 

சந்திர சூடேஸ்வரர் கோயிலை

செப்பனிட்டதாக அறியமுடிகிறது. 

ஒசூர் கோட்டையையும் திப்பு சுல்தான்

புனர் நிர்மாணம்செய்துள்ளார். 

அவர் "ஹாமில்டன்"என்னும் மிகச் சிறந்த பொறியாளரை 

ஒரு வழக்கில் பணயக்

கைதியாக்கி இருந்தார். 

அவர் மூலமாகத்தான் ஒசூர்  கோட்டையை புனரமைப்பு  செய்தார்.

திப்பு சுல்தானுக்கும், கிழக்கிந்திய  கம்பெனிக்கும் மங்களூர் உடன்படிக்கை ஏற்பட்டது. 

அதன்படி ஒசூர்,கிருஷ்ணகிரி ஆகியவை "கார்ன்வாலிஸ்" தலைமையில் கிழக்கிந்திய  கம்பெனி ஆட்சியின் கீழ் வந்தது. 

கார்ன்வாலீஸ் பிரபு கேப்டன்  "காஸ்பி" மூலம் ஒசூரை ஆண்டார்.

காஸ்பிக்குப் பிறகு "பிரட்" என்பவர் ஒசூருக்குக் கலெக்டராக  நியமிக்கப்பட்டார். 

பிரட் கலெக்டராக ஆன பின் அவரது காதலியின் வேண்டுகோளை ஏற்று லண்டனில் உள்ள

 "கெனில் ஒர்த்" கோட்டையை அப்படியே மறுபதிப்பாக ஒசூரில் நிர்மாணித்தார். 

இந்த காதல் மாளிகையும் ஹாமில்டன் என்ற அதே பொறியாளர்தான்  கட்டினார். 

காதல் மாளிகையை எழுப்புவதற்காக அரசு பணத்தைக் கையாடல் செய்த குற்றத்துக்காக  

கார்ன் வாலீஸ் பிரபுவால் கலெக்டர்" பிரெட்" பதவி நீக்கம் செய்யப்பட்டார்.

தனது காதல்மாளிகை

"கெனில்வர்த்கோசலை" முழுமையாக முடிக்கப்படாமலேயே பிரெட் லண்டன் சென்றுவிட்டார். 

அதன்பிறகு "வால்டன் இல்லியட்லோக்கார்ட்"  சேலம் கலெக்டராக  பொறுப்போற்றார்.

அவர் தனது மனைவியுடன் காதல் மாளிகை கெனில்வர்த் கோசிலேயே  குடியிருந்ததோடு அதை தனது அலுவலகமாக ஆக்கிக்கொண்டார்.

இல்லியார்ட் லோக்கார்ட்" அந்த காதல் மாளிகையிலேயே

உயிர் துறந்தார். 

அவரின் நினைவாக அவரது மனைவி 

நிர்மாணித்த லோகார்ட்டின் நினைவு சின்னத்தை 

இன்றும் கெனில்வர்த்கேசலின் 

அருகில் காணலாம்.

சுதந்திர இந்தியாவில் 

கெனில் ஒர்த் கோட்டை 

என்னும் மாளிகை பலருக்கும் பங்கு போட்டு விற்கப்பட்டது.

மிகப்பெரிய சேதாரம்.

சுக்கு நூறாக உடைத்து  விட்டனர்.

இப்போது அது வெறும் மண்கூடு.

பலப்பல வரலாற்று பின்னனிகளைக்கொண்ட ஒசூர் 

இன்று நூற்றுக்கும் மேற்பட்ட தொழிற்சாலைகளால் நிரம்பி வழிகிறது. 

குண்டூசி முதல் ஆகாய விமானம் வரை அனைத்துப் பொருள்களும் இங்கே உற்பத்தி செய்யப்படுகின்றன.

இங்கு உற்பத்தி செய்யப்படும் இருசக்கர,நான்கு சக்கர வாகனங்கள் இந்தியா முழுவதுமன்றி வெளிநாடுகளிலும் ஓடிக்கொண்டிருக்கின்றன.

மின்னனு  சாதனங்கள், துணிவகைகள்,

மென்பொருள்கள்,

வன்பொருள்கள்,

கணினி வகைகள்,

மின்சார சாதனங்கள்,

உலகப்புகழ்பெற்ற கடிகாரங்கள்,

தங்க ஆபரணங்கள்,

மோட்டார்கள்,

பேரிங்குகள்

இன்னும் எத்தனையோ பொருட்கள் நாளும் உற்பத்தியாகி உலகம் எங்கும் செல்கின்றன. 

நாட்டின் அனைத்து மாநில மக்களும்,

அனைத்துமொழி மக்களும் வாழும் நகரமாக இன்றைய  ஒசூர் நகரம் விளங்குகிறது.

இந்த நகரத்திற்கு பெருமை சேர்க்கின்ற விதத்தில் அமைந்திருப்பதே மலையில் வீற்றிருந்து அருளாட்சி செய்யும் அருள்மிகு மரகதாம்பாள்

ஸ்ரீசந்திரசூடேஸ்வரர் திருக்கோயிலாகும்.

TNPSC Zoology/விலங்கியல் *செல்*

*அட்மிஷன் நடைபெறுகிறது*

*TNPSC/TRB-TET/POLICE-SI/SSC/RRB*

ஜெய் ஐஏஎஸ் அகாடமி, ஆவடி 

விலங்கியல்

*செல்*

💥நமது உடலின் அடிப்படை அலகு எது- செல்

💥செல்லை எதன் மூலம் காண முடியும் - நுண்ணோக்கி

💥செல்லை கண்டறிந்தவர் யார்- இராபர்ட் ஹீக்

💥செல் என்பதன் பொருள் யாது- ஒரு சிறிய அறை

💥செல் என்னும் சொல் எம்மொழியிலிருந்து வந்தது- செல்லுலா எனும் இலத்தீன் மொழி

💥 செல்லின் உட்கருவை கண்டறிந்தவர் யார்- இராபர்ட் பிரௌன்

💥 தெளிவற்ற உட்கருவை கொண்ட செல் எது- புரோகேரியாட்டிக் செல்

💥 தெளிவான உட்கருவை கொண்ட செல் எது- யூகேரியாட்டிக் செல்

💥ஒரு செல்லால் ஆன உயிரி எது- பாக்டீரியா

💥தாவர செல்லின் செல்சுவர் எதனால் ஆனது - செல்லுலோசினால்

💥தாவர செல்லுக்கே உரிய நுண்ணுறுப்பு எது- கணிகம்

💥 தாவர செல்லின் கணிகங்கள் எத்தனை வகைப்படும்- 3

💥 செல் கொள்கையை உருவாக்கியவர் யார்- ஜேக்கப் ஸ்லீடன் மற்றும் தியோடர் ஸ்வான்

💥 எண்டோபிளாஸ்மிக் வலை பின்னலை கண்டறிந்தவர் யார்- போர்ட்டர்

💥 எண்டோபிளாஸ்மிக் வலை பின்னல் என்று எப்போது பெயரிட்டார்- 1952

💥 எண்டோபிளாச வலையில் ரைபோசோம்கள் ஒட்டி இருந்தால் அதன் பெயர் என்ன- சரசரப்பான எண்டோபிளாச வலை பின்னல்

💥 விழித்திரையில் விழி நிறமி செல்களை உருவாக்குபவை எவை- கோல்கை உறுப்புகள்

💥 கோல்கை உறுப்பின் தட்டையான பைகளுக்கு என்ன பெயர்- சிஸ்டர்னே

💥 லைசோசாமின் மற்றொரு பெயர் என்ன- தற்கொலை பைகள்

💥 மைட்டோகாண்ட்ரியாவின் உட்புற நீட்சிக்கு என்ன பெயர்- கிரிஸ்டே

💥 செல்லின் சக்தி நிலையங்கள் எது- மைட்டோகாண்ட்ரியா

💥 சென்ட்ரியோல்களை கண்டறிந்தவர்கள் யார்- ஹென்னிகை மற்றும் லுகஸ்செக்

💥 உட்கரு மணியை எவ்வாறு அழைப்பர்-: செல் அமைப்பாளர்

💥 புரோட்டோபிளாசம் எவ்வாறு அழைக்கப்படுகிறது- உயிரியின் இயற்பியல் தளம்

💥 கோல்கை உறுப்பை முதன் முதலில் கண்டறிந்தவர் யார்- காமில்லோ கால்ஜி

💥 கோல்கை உறுப்பின் தட்டு போன்ற பகுதியின் பெயர் என்ன- சிஸ்டெர்னாக்கள்

💥 தாவர செல்களில் கோல்கை உறுப்புகள் எவ்வாறு அழைக்கப்படுகிறது - டிக்டியோ சோம்கள்

💥 செரிக்கும் பைகள் என்று அழைக்கப்படுபவை எவை- லைசோசோம்கள்

💥வாக்குவோலை சுற்றி காணப்படும் உறைக்கு பெயர் என்ன- டோனோபிளாஸ்ட்

💥 செல்களின் தொகுப்பின் பெயர் என்ன- திசுக்கள்

💥 இரத்தம் சிவப்புச் செல்களால் ஆனவை என்பதை கண்டறிந்தவர் யார்- ஆண்டன் வான் லூவன் ஹாக்

💥ஈரப்பசையற்ற சிறப்பு வகை செல்களால் ஆனது எது- எலும்பு

💥 டார்வின் ஆய்வுக்காக பயணம் மேற்கொண்ட கப்பலின் பெயர் என்ன- HMSபீகிள்

💥 நுண்ணுயிரிகளை பற்றிய படிப்பின் பெயர் என்ன- நுண்ணுயிரியியல்

💥வைரஸ்களை பற்றிய அறிவியல் பிரிவு யாது- வைராலஜி

💥 எலக்ட்ரான் நுண்ணோக்கியை கண்டறிந்தவர் யார்- எர்னஸ்ட் ரஸ்கா மற்றும் மாக்ஸ் நால்

💥HIV எனும் எய்ட்ஸ் வைரஸை கண்டறிந்தவர் யார்- இராபர்ட் கேலோ

💥 விலங்கு செல்லின் மிக நீளமான செல் எது- நரம்பு செல்

💥 விலங்கு செல்லில் மிக கடினமான செல் எது- எலும்பு செல்

*நுண்ணுயிரிகள்*

💥 நுண்ணுயிரிகளை எந்த அலகால் அளக்கலாம்- மைக்ரான் மில்லி மைக்ரான்

💥 வைரஸ் என்ற லத்தின் மொழி சொல்லின் பொருள் யாது- நஞ்சு

💥 வைரஸ் தன்னை பெருக்கிக் கொள்ளும் உயிரியை எவ்வாறு அழைக்கிறது- விருந்தோம்பியின் செல்

💥 விருந்தோம்பியின் அடிப்படையில் வைரஸ்களை எத்தனை வகைகளாக பிரிக்கலாம்- 5 வகைகள்

💥பாலை தயிராக மாற்றும் பாக்டீரியா எது- லேக்டோ பேசில்லஸ்

💥 பாக்டீரியாவில் இணைவு உறுப்பாக செயல்படுவது எது- பைலிகள்

💥 பாக்ரியாவை வடிவத்தை வைத்து எத்தனை வகையாக பிரிக்கலாம்-4

💥 கசையிழைகளின் அடிப்படையில் பாக்டீரியாவை எத்தனை வகையாக பிரிக்கலாம்- 5

💥 கிளாமிடா மோனஸின் இடப்பெயர்ச்சி உறுப்பு எது- கசையிழைகள்

💥 கிளாமிடா மோனஸ் செல் சுவர் எதனால் சூழப்பட்டுள்ளது- பெக்டின்

💥 பாசிகளை குறித்த அறிவியலின் பெயர் என்ன- பைக்காலஜி

💥 பூஞ்சைகளை குறித்த அறிவியலின் பெயர் என்ன-மைக்காலஜி

💥 உயிரியல் துப்புரவாளராக செயல்படுவது எது- பாக்டீரியா

💥 வேர்முண்டுகளில் காணப்படும் பாக்டீரியா எது- ரைசோபியம்

💥 நைட்ரஜனை மண்ணில் நிலைநாட்டும் பாக்டீரியா எது- ரைசோபியம்

💥 பூச்சிகளை கட்டுப்படுத்தும் முறைக்கு என்ன பெயர்- உயிரியல் கட்டுப்பாடு

💥 அமோனியாவை நிலை நிறுத்தும் பாக்டீரியா எது- பாசில்லஸ் ரமோஸஸ்

செளராஷ்டிரா தமிழ் சங்கமம் நிகழ்வு குறித்து இன்றைய தினமணி(14.05.2023)

இன்றைய தினமணி

செளராஷ்டிரா தமிழ் சங்கமம் நிகழ்வு குறித்து இன்றைய தினமணி

 கொண்டாட்டம் புதுக்கோட்டை மாவட்டம் பத்திரிக்கையில் .. எனது (தி.இராஜபிரபா) அனுபவம் பகிரப்பட்டுள்ளது..

*திருப்பதி 7 மலைகளும்! அவற்றில் வீற்றிருக்கும் 5 ஸ்ரீனிவாசன்களும்!*

*திருப்பதி 7 மலைகளும்! அவற்றில் வீற்றிருக்கும் 5 ஸ்ரீனிவாசன்களும்!*

*1. வேங்கட மலை:*

*‘வேம்’* என்றால் பாவம், *‘கட’* என்றால் *‘நாசமடைதல்’*. பாவங்களைப் போக்கும் மலை என்பதால் இதற்கு

*‘வேங்கட மலை’* என்று பெயர். *இம்மலையில் வெங்கடாசலபதியாக (ஸ்ரீனிவாசன்) மகாவிஷ்ணு காட்சி தருகிறார்.*

*2. சேஷ மலை:*

பெருமாளின் அவதாரத்திற்காக *ஆதிசேஷன் மலையாக வந்தார். இது ஆதிசேஷன் பெயரால் ‘சேஷமலை’ என்று அழைக்கப்படுகிறது.*

*3. வேதமலை:*

வேதங்கள் இங்கு மலை வடிவில் தங்கி எம்பெருமானை பூஜித்தன. எனவே இது *‘வேத மலை’* எனப்பட்டது.

*4. கருட மலை:*

இங்கு சுவாமியை வணங்க வந்த *கருடாழ்வார் வைகுண்டத்திலிருந்து ஏழுமலையை எடுத்து வந்தார். அதனால் இது ‘கருட மலை’* எனப் பெயர் பெற்றது.

*5. விருஷப மலை:*

விருஷபன் என்ற அசுரன், இங்கு சுவாமியை வணங்கி மோட்சம் பெற்றான். அவனது பெயரில் இது *‘விருஷப மலை’* எனப் பெயர் பெற்றது.

*6. அஞ்சன மலை:*

ஆஞ்சநேயரின் தாய் அஞ்சனை. தனக்கு குழந்தை பாக்கியம் கிடைக்க *ஆதிவராகரை வேண்டி தவமிருந்தாள். அதன் பயனாக ஆஞ்சநேயரைப் பெற்றாள். இவளது பெயரில் ஏற்பட்ட மலை ‘அஞ்சன மலை’* எனப்படுகிறது.

*7. ஆனந்த மலை:*

ஆதிசேஷன், வாயு பகவானுக்கிடையே போட்டி ஏற்பட்டபோது, மகாவிஷ்ணு நடுவராக இருந்தார். இருவரும் பலத்தில் சமமானவர்கள் என்று தீர்ப்பளித்தார். இதனால் வாயுவும் ஆதிசேஷனும் ஆனந்தம் அடைந்தனர். இதன் காரணமாக இது *‘ஆனந்த மலை’* என்று பெயர் பெற்றது.

திருப்பதி மலைகளில் ஐந்து ஸ்ரீநிவாசர்கள் வீற்றுள்ளனர்.

*திருப்பதி திருமலையில்,*

*1.த்ருவ ஸ்ரீநிவாசர்,*

*2. போக ஸ்ரீநிவாசர்,*

*3. கொலுவு ஸ்ரீநிவாசர்,*

*4. உக்ர ஸ்ரீ நிவாசர்,*

*5. மலையப்பர்.*

என ஐந்து ஸ்ரீநிவாசர்கள் வீற்றுள்ளனர். இவர்களை *பஞ்சபேரர்கள் என்று* அழைக்கின்றனர்.

*1. த்ருவ ஸ்ரீநிவாச மூர்த்தி :*

இவர்தான் மூலவர். ஆனந்த நிலையத்தில் சுயம்புவாக எழுந்தவர். சாளக்ராமத்தால் ஆனவர். இவரை *ஸ்தானக மூர்த்தி, த்ருவமூர்த்தி, த்ருவபேரம், கோவிந்தன், ஸ்ரீவாரி, பாலாஜி என்றெல்லாம் அழைப்பர். சுமார் பத்தடி உயரம் கொண்ட பரந்தாமன். இந்த மூல மூர்த்தியை ஏகாந்த சேவைக்குப் பிறகு பிரம்மா முதலான எல்லா தேவர்களும் வந்து வணங்குவதாக ஐதீகம்.*

*2. போக ஸ்ரீநிவாச மூர்த்தி :*

இவர், கருவறையில் மூல மூர்த்தியுடன் இருப்பவர். *கௌதுக பேரர், மணவாளப் பெருமாள் என்றும் இவருக்குப் பெயர். கோயிலில் இருந்து எப்போதும் வெளியே வராத இவருக்கு தினமும் ஆகாச கங்கை தீர்த்தத்தால் அபிஷேகம் நடைபெறுகிறது. புதன்கிழமை தோறும் காலை இவருக்கு தங்கவாசல் முன்பு ஸஹஸ்ர கலசாபிஷேகம்* நடைபெறுகிறது. அச்சமயம் மட்டும் இவரை தரிசிக்கலாம். எட்டு அங்குல உயரத்தில் வெள்ளியினாலான பெருமாள் இவர்.

*3. கொலுவு ஸ்ரீநிவாச மூர்த்தி :*

கொலுவு என்றால் ஆஸ்தானம் என்றுபொருள். தினமும் கருவறையில் தோமாலை சேவை ஆனதும் ஸ்நபன மண்டபத்தில் தங்க சிம்மாசனத்தில் எழுந்தருளும் இவரிடம் *அன்றைய பஞ்சாங்க விஷயங்கள், கோயில் வரவு&செலவு, நித்திய அன்னதான நன்கொடையாளர் விவரங்கள், உற்சவ விஷயங்கள் ஆகியவற்றை ஆலய பட்டர் அறிவிப்பார்.* இந்நிகழ்வில் ஆலய பட்டர்கள், ஆலய ஊழியர்கள் தவிர *வேறுயாரும் கலந்து கொள்ள முடியாது.*

*4. உக்ர ஸ்ரீநிவாச மூர்த்தி :*

இவருக்கு *வேங்கடத்து உறைவார், ஸ்நபன பேரர் என்றும் பெயர்கள் உண்டு. இவரே பதினான்காம் நூற்றாண்டு வரை உற்சவமூர்த்தியாக இருந்தவர். இவர் மீது சூரிய ஒளி பட்டால் உக்ரமாகி விடுவார்.* ஒரு முறை அவ்வாறு ஏற்பட, பல கெடுதல்கள் நிகழ்ந்து விட்டன. எனவேதான் புதிதாக மலையப்பசுவாமியை எழுந்தருளச் செய்தனர். உக்ர ஸ்ரீநிவாச மூர்த்தி *ஒவ்வொரு வருடமும் கார்த்திகை மாதம் கைசிக துவாதசி அன்று மட்டும் விடியற்காலை மூன்று மணி அளவில் எழுந்தருளி பக்தர்களுக்கு கருணை புரிகிறார்.*

*5. உற்சவ ஸ்ரீநிவாசர் எனும் மலையப்ப சுவாமி :*

இவருக்கு *மலை குனிய நின்ற பெருமாள், உத்ஸவ பேரர், மலையப்பர்* எனும் பெயர்களும் உண்டு. நெற்றியில் பதிக்கப்பட்ட திருச்சுட்டியில் கஸ்தூரி திலகம் திகழக் காட்சியளிப்பவர் *மலையப்பர்.*

சமீப வருடங்களாக திருமலைக்கு வந்து கல்யாண உற்சவத்தை சேவிக்க இயலாத பக்தர்களின் குறை போக்கவும் பக்தி மார்க்கம் செழிக்கவும் *கல்யாண ஸ்ரீ நிவாசர் எனும் மூர்த்தியை* எல்லா ஊர்களுக்கும் எழுந்தருளச் செய்து, கல்யாண உற்சவம் நடத்தப்படுகிறது. இவர் வேறு. *திருமலையில் உள்ள மலையப்ப சுவாமி வேறு,,

ஓம் நமோ வெங்கடேசாய 🙏

கிருஷ்ணகிரி மாவட்ட வரலாறு

வரலாறு

கிருஷ்ணகிரி மாவட்டம் வரலாற்று முக்கியத்துவம் உள்ளது. இந்த மாவட்டத்தில் சிந்து ஓவிய நாகரிகம் மற்றும் பல பாறை ஓவியங்கள் மற்றும் பாறை சித்திரங்கள் இந்த மாவட்டத்தின் வரலாற்று முக்கியத்துவத்தை பறை சாற்றுகின்றன. சோழர் காலத்தின்போது, கிருஷ்ணகிரிப் பகுதி ‘நிகரிலி சோழமண்டலம்’ என்றும் ‘விதுகதழகி நல்லூர்’ என்றும் அழைக்கப்பட்டது. வரலாற்று ஆதாரங்களின்படி ‘நுளம்பர்’ ஆட்சியின் கீழ் இது ‘நுளம்பாடி’ என பிரபலமாக இருந்தது.

கிருஷ்ணகிரி முற்காலத்தில் “எயில் நாடு” எனவும், ஓசூர் “முரசு நாடு” எனவும், ஊத்தங்கரை “கோவூர் நாடு” எனவும் அழைக்கப்பட்டதாகத் தெரிகிறது.

போரில் உயிரிழந்தவர்களை பெருமைப் படுத்தும் வகையில் நடுகற்கள் அமைக்கப்பட்டன. ‘சங்க காலத்திலிருந்து அரசர்களின் நலனுக்காக தங்களது உயிர்களை தியாகம் செய்யும் மக்களுக்கு நினைவுக் கற்கள் அமைப்பதற்கான ஒரு பாரம்பரியம் இருந்தது. சங்க காலத்தில் போர் வீரர்களுக்கு வைக்கப்படும் “நவகண்டம்” எனப்படும் நடுகற்கள் இம் மாவட்டத்தில் அதிகம் காணப்படுகிறது.

இந்த மாவட்டத்தில் கிடைக்கக்கூடிய நினைவுச்சின்னங்கள் ஏராளமான மக்களின் பெருமையையும், நல்லொழுக்கத்தையும் பற்றி நிறைய பேசுகின்றன. இந்த இடம் ஒரு காலத்தில் கொடை வள்ளலான அதியமான் ஆட்சி செய்து வந்த இடமாகும்.

சேலம், தர்மபுரி, கிருஷ்ணகிரி மற்றும் மைசூர் பகுதிகள் சங்க காலத்தில் “தகடூர்” அல்லது “அதியமான் நாடு” என்று பெயரிடப்பட்டன. மகாராஜா அதியமான் தனது அவையை அலங்கரித்த பெரும் கவிஞரான “அவ்வையார்”க்கு நீண்ட ஆயுளை தரக் கூடிய “கருநெல்லி”க் கனியை வழங்கினார்.

பல்லவர்கள், கங்கா வம்சத்தினர், நுளம்பர்கள், சோழர்கள், ஹொய்சாளர்கள், விஜய நகர் பேரரசர்கள், பிஜப்பூர் சுல்தான்கள், மைசூரின் உடையார்கள் மற்றும் மதுரை நாயக்கர்கள் ஆகியோர் இந்த பகுதியை ஆண்டனர்.

முற்காலத்தில் இந்த இடம் தமிழகத்தின் எல்லையாகவும் இருந்து வந்துள்ளது, இப்போதும் இருந்துகொண்டிருக்கின்றது. இப்பகுதியில் “பாராமகால்” என அழைக்கப்பட்ட 12 கோட்டைத் தலங்கள் வரலாற்றில் மிக முக்கியப் பங்கு வகித்துள்ளது. இதில் முதன்மையானது கிருஷ்ணகிரியில் அமைந்துள்ள கோட்டையாகும் சையத் பாஷா மலை. இந்த கோட்டை விஜயநகர பேரரசர்களால் கட்டப்பட்டதாகும். ஹொய்சாள மன்னன் வீர இராமநாதன் தற்போதய கிருஷ்ணகிரி மாவட்டத்தின் “குந்தானி” என்னும் இடத்தை தலைநகராகக் கொண்டு ஆட்சி புரிந்ததாகவும், மற்றொரு மன்னனான ஜெகதேவிராயர், ஜெகதேவி என்னும் இடத்தைத் தலைநகராகக் கொண்டு 12 கோட்டைகளில் ஒன்றை அங்கு கட்டி ஆட்சி செய்ததாகத் தெரிகிறது.

முதலாம் மைசூர் போரின்போது ஆங்கிலேய படைகள் கிருஷ்ணகிரி வழியாக காவேரிப்பட்டினத்திற்கு சென்று அங்கு ஹைதர் அலியின் படைகளுடன் போரிட்டதாகத் தெரிகிறது. இதில் ஆங்கிலேயர்கள் படுதோல்வி அடைந்தனர். இரண்டாம் மைசூர் போரின் போது ஹைதர் அலியின் கட்டுப்பாட்டிற்குள் சேலம் மற்றம் கர்நாடக பகுதிகள் வந்தன.

“ஸ்ரீரங்கபட்டிண உடன்படிக்கை” யின் படி சேலம் மற்றும் பாரா மஹால் பகுதிகள் ஆங்கிலேயர் வசம் வந்தது. 1792 ஆம் ஆண்டு கேப்டன் அலெக்சான்டர் ரீட் மாவட்ட கலெக்டராக அறிவிக்கப்பட்டார். பின்னர் ராபார்ட் கிளைவ் மதராஸ் மாகாணத்தின் கவர்னராக ஆனபோது பாரா மகாலின் தலைநகரமாக கிருஷ்ணகிரி மாறியது.

மூதறிஞர் இராஜாஜி, கிருஷ்ணகிரி மாவட்டதிலுள்ள ஓசூர் நகருக்கருகில் உள்ள தொரப்பள்ளி என்னும் ஊரில் பிறந்தவர்.

கிருஷ்ணகிரியில் 200 ஆண்டுகள் பழமைவாய்ந்த நீதிமன்றம் செயல்பட்டுவருகிறது.

2500 ஆண்டு கால சிறப்புமிக்க பிரசித்தி பெற்ற [ஸ்ரீ காட்டு வீர ஆஞ்சநேயர் திருத்தலம்] கிருஷ்ணகிரிக்கு மிக அருகில் அமைந்துள்ளது.

கிருஷ்ணகிரி மாவட்டம் ஓசூரில் பிரசித்தி பெற்ற ஸ்ரீ சந்திர சூடேஸ்வரர் ஆலயம் அமைந்துள்ளது.

*“LGBTQ+ பிரிவினர் எதிர்கொள்ளும் சிக்கல்களை தவிர்க்க நடவடிக்கை எடுக்கப்படும்” - உச்சநீதிமன்ற தலைமை நீதிபதி சந்திரசூட் உறுதி*

*“LGBTQ+ பிரிவினர் எதிர்கொள்ளும் சிக்கல்களை தவிர்க்க நடவடிக்கை எடுக்கப்படும்” - உச்சநீதிமன்ற தலைமை நீதிபதி சந்திரசூட் உறுதி*

சிறப்பு திருமண சட்டத்தில் எந்த வித திருத்தங்களும் செய்யாமல், LGBTQ+ பிரிவினர் திருமணங்கள் குறித்து மத்திய அரசு எடுக்கும் நிர்வாக நடவடிக்கைகளுக்கு உச்சநீதிமன்றம் வழிவகை செய்யும்;

கூட்டு வங்கி கணக்கு, காப்பீடு திட்டம், பள்ளிகளில் தங்கள் குழந்தைகளை சேர்ப்பது உள்ளிட்டவைகளில் அவர்கள் எதிர்கொள்ளும் சிக்கல்களை தவிர்க்க நடவடிக்கை எடுக்கப்படும்!

LGBTQ+ பிரிவினரின் திருமணத்திற்கு சட்ட அங்கீகாரம் வழங்குவது தொடர்பாக, அரசியல் சாசன அமர்வில் நடைபெறும் விசாரணையின்போது உச்சநீதிமன்ற தலைமை நீதிபதி சந்திரசூட் கருத்து

NPS VS CPS

இதுநாள் வரை தமிழ்நாடு அரசு ஊழியர்களுக்கு என்.பி.எஸ் திட்டத்தை நடைமுறைப்படுத்தாத ஒரே மாநிலமாக தமிழ்நாடு திகழ்கிறது.

1871-ம் ஆண்டு முதல் இருந்துவந்த பழைய பென்ஷன் திட்டத்தை ரத்து செய்துவிட்டு, 01.01.2004 முதல் மத்திய அரசுப் பணியில் சேர்ந்தவர்களுக்குப் புதிய பங்களிப்பு பென்ஷன் திட்டத்தை (NPS-National Pension System) நடைமுறைக்குக் கொண்டுவந்தது மத்திய அரசு.

ப.முகைதீன் ஷேக் தாவூது

பழைய பென்ஷனைத் தொடர்ந்தால் ஊழியர் கடைசியாக வாங்கிய சம்பள தொகையில் 50% தொகையை மாதம்தோறும் பென்ஷனாகத் தரவேண்டியிருக்கும். புதிய பென்ஷன் திட்டப்படி, ஊழியர்களே தமது சம்பளத்தில் 10% தொகையை பென்ஷனுக்காகச் செலுத்தி விடுவார்கள். அரசுத் தரப்பில் 10% தொகையைச் செலுத்தினால் போதும். இதனால், அரசுக்கு நிதிச்சுமை வெகுவாகக் குறையும் என்பதால், இந்தியாவின் 26 மாநிலங்கள் இந்தப் புதிய பென்ஷன் திட்டத்தைப் பின்பற்றின. ஆனால், மேற்கு வங்கம் இன்றளவும் பழைய பென்ஷனைத் தொடர்கிறது. தமிழக அரசு 01.04.2003-லேயே சி.பி.எஸ் (CPS-Contributory Pension Scheme) எனும் பங்களிப்பு பென்ஷன் திட்டத்தை நடைமுறைப்படுத்தி விட்டது. சி.பி.எஸ் - என்.பி.எஸ். இரண்டுமே பங்களிப்பு பென்ஷன் திட்டம்தான் என்றாலும், பணப் பலனில் இரண்டும் வேறுபடுகின்றன. (பார்க்க, என்.பி.எஸ் Vs சி.பி.எஸ் அட்டவணை)

புதுப்பிக்கப்படும் புதிய பென்ஷன் திட்டம்... தமிழ்நாடு இணையுமா..? 

மீண்டும் பழைய பென்ஷன்...

கடந்த 15 ஆண்டுகளாக நீறுபூத்த நெருப்பாக இருந்து வந்த பழைய பென்ஷன் கோரிக்கை, கொழுந்துவிட்டு எரிய ஆரம்பித்ததும் ராஜஸ்தான், சத்தீஸ்கர், பஞ்சாப், ஜார்க்கண்ட் மற்றும் இமாசலப் பிரதேச மாநிலங்கள் மீண்டும் பழைய பென்ஷனுக்குத் திரும்பி விட்டன. இந்த நிலையில், பழைய பென்ஷன் கோரி போராடி வந்த மகாராஷ்டிர மாநில அரசு ஊழியர்கள், சமீபத்தில் வேலைநிறுத்தம் செய்தனர். அவர்களைப் பேச்சு வார்த்தைக்கு அழைத்த அந்த மாநில அரசு, ‘‘புதிய பென்ஷன் திட்டத்திலேயே பழைய பென்ஷனில் கிடைக்கும் பணப்பலனைத் தருவோம். இதற்குத் தேவையான தொகையை அரசு ஈடுகட்டும்’’ என்று வாக்குறுதி அளித் துள்ளது.

உத்தரவாத பென்ஷன் திட்டம்...

இதற்கிடையே ஆந்திர மாநில அரசு அறிவித்துள்ள உத்தரவாத பென்ஷன் திட்டம் மத்திய அரசையே திரும்பிப் பார்க்க வைத்துள்ளது. அந்தத் திட்டம் என்ன வெனில், பழைய பென்ஷனுடன் புதிய பென்ஷனையும் கலந்து, புதிய திட்டம் ஒன்றை உருவாக்குவதுதான். அதாவது, என்.பி.எஸ் திட்டத்தில் 10% சம்பளத்தைச் செலுத்தும் ஊழியருக்கு, அவர் ஓய்வு பெறும்போது கிடைக்கும் பென்ஷன் அவரது கடைசிச் சம்பளத்தில் 33 சதவிகிதமாக இருக்கும். இதே ஊழியர் தனது சம்பளத்தில் 14% தொகையை பென்ஷன் பங்களிப்பாகச் செலுத்தி வந்தால், அவருடைய பென்ஷனானது கடைசி சம்பளத்தில் 40 சதவிகிதமாக இருக்கும். இந்த பென்ஷனுக்கு அகவிலைப்படியும் உண்டு. ஐந்து வருடங்களுக்கு ஒரு முறை பென்ஷன் 7.5% உயர்த்தி வழங்கப்படும் என்பதே ஆந்திர அரசாங்கம் இப்போது அறிவித்திருக்கும் உத்தரவாத பென்ஷன் திட்டம் ஆகும். 

பென்ஷன் மேம்பாட்டுக்கு கமிட்டி...

இந்தச் சூழலில், 2023-24-ம் ஆண்டுக்கான நிதி மசோதா நிறைவேற்றத்துக்குப் பிறகு, மக்களவையில் பேசிய மத்திய நிதி அமைச்சர், அரசு ஊழியர்களுக்கான புதிய பென்ஷன் திட்டத்தை மேம்படுத்த கமிட்டி அமைக்கப்படுவதாக அறிவித்துள்ளார். நிதி செயலரின் தலைமையில் அமைக்கப்படும் கமிட்டியானது, ஊழியர்களின் தேவையையும், சாமான்ய மக்களின் வரிச்சுமை ஏறாதபடி நிதி நிலையையும் கருத்தில்கொண்டு தனது பரிந்துரையைச் சமர்ப்பிக்கும் என்று அறிவிக்கப்பட்டுள்ளது. கமிட்டி தனது பரிந்துரையைச் சமர்ப்பிக்க காலக்கெடு எதுவும் நிர்ணயிக்கப்படவில்லை. ஆனாலும், மக்களவைத் தேர்தலுக்கு இன்னும் ஓராண்டே இருப்பதால், அதற்கு முன்பாகவே கமிட்டியானது பரிந்துரையைச் சமர்ப் பிக்கலாம் என எதிர்பார்க்கப்படுகிறது.

நான்காவது மேம்பாடு...

தற்போது அமையப்பெறும் கமிட்டி புதிய பென்ஷன் மேம்பாட்டுக்கான அறிக்கையைச் சமர்ப்பிக்குமானால், அது அரசு ஊழியர்களுக்கான என்.பி.எஸ் திட்டத்தின் நான்காவது மேம்பாடாக இருக்கும். எப்படி எனில், என்.பி.எஸ் திட்டம் 01.01.2004 முதல் நடைமுறைக்கு வந்தபோது ஊழியர் தனது பங்களிப்பாக 10% சம்பளத்தை செலுத்துவார். அரசும் அதே 10% தொகையை ஊழியரின் பென்ஷன் கணக்கில் செலுத்தும். ஓய்வு பெறும்போது மேற்கண்ட பங்களிப்புடன் சந்தை வளர்ச்சியும் சேர்ந்த தொகையில் 60% தொகையை ரொக்கமாகப் பெற்றுக் கொள்ளலாம். 40% தொகையை பென்ஷனுக்காக ஒப்படைத்து பென்ஷன் பெற வேண்டும் என்பதே விதி. இதைத் தவிர, வேறு சலுகை எதுவும் 01.01.2004-க்குப் பிறகு பணியில் சேர்ந்த என்.பி.எஸ் திட்ட ஊழியருக்கு அப்போது கிடையாது.

புதுப்பிக்கப்படும் புதிய பென்ஷன் திட்டம்... தமிழ்நாடு இணையுமா..? 

கவனிக்கத்தக்க செய்தி...

22.12.2003 அன்று மத்திய அரசு என்.பி.எஸ் திட்டம் தொடர்பாக வெளியிடப்பட்ட ஆணையில் மாநில அரசுகள் பற்றி எந்தக் குறிப்பும் இல்லை. மத்திய அரசில் 01.01.2004-க்குப் பிறகு இணைவோருக்கானது என்.பி.எஸ் என்று மட்டுமே இருந்தது. இந்த நிலையில், தற்போது அமையும் கமிட்டியானது மாநில அரசுகளை யும் கலந்தாலோசிக்கும் என்று குறிப்பிட்டுள்ளது. இது கவனிக்கத் தக்கது. மத்திய அரசு அமைத் திருக்கும் கமிட்டியானது, ஆந்திர மாநிலம் அறிவித்துள்ள உத்தரவாத பென்ஷன் திட்டத்தை நடை முறைப்படுத்துவதன் சாத்தியக் கூறுகளை ஆராயும் எனக் கூறப் படுகிறது.

இதுநாள் வரை தமிழ்நாடு அரசு ஊழியர்களுக்கு என்.பி.எஸ் திட்டத்தை நடைமுறைப்படுத்தாத ஒரே மாநிலமாக தமிழ்நாடு திகழ்கிறது. தற்போது மத்திய அரசு அமைத்துள்ள பென்ஷன் மேம்பாட்டு கமிட்டியானது தமிழக அரசையும் கலந்தாலோசிக்கும்.இந்த ஆலோசனையின் விளைவாக, தமிழ்நாடு அரசு மேம்பட்ட புதிய என்.பி.எஸ் பென்ஷன் திட்டத்தில் சேரும்பட்சத்தில், தமிழக அரசின் சி.பி.எஸ் திட்டத்தில் இணைக்கப் பட்டிருக்கும் 6.5 லட்சம் அரசு ஊழியர்கள், அட்டவணையில் காட்டப்பட்டுள்ள பென்ஷன் பலனைப் பெற வாய்ப்பிருக்கிறது.ஆனால், தமிழக அரசு மேம்பட்ட புதிய என்.பி.எஸ் திட்டத்தில் சேருமா எனக் கேட்டால், சேருவதற்கு நிறைய காரணங்கள் இருக்கவே செய் கின்றன. அந்தக் காரணங்களைப் பார்ப்போம்.

1. என்.பி.எஸ் திட்டத்தில் ஊழியர்+அரசுத் தரப்பு சந்தா வானது பல்வேறு நிதி மேலாளர் களால் (Fund Manager) நிர்வகிக்கப் படுகிறது. முதலீடு செய்யப்படும் திட்டங்களும் பல வகையாக உள்ளன. எனவே, என்.பி.எஸ். முதலீட்டுக்கான வருமானம் அதிக மாக உள்ளது. சி.பி.எஸ் திட்டத்தில் சேர்ந்த தொகையை நிர்வாகம் செய்ய நிதி மேலாளர் யாரும் இல்லாததால், அதற்கு ஜி.பி.எஃப்-க்கான வட்டியே தரப்படுகிறது. இது என்.பி.எஸ்ஸில் கிடைக்கும் வருமானத்தைவிடக் குறைவு என்பது தமிழக அரசு ஊழியர்களின் கருத்து. 

2. சி.பி.எஸ் திட்டத்தில் உள்ள ஊழியர் மற்றும் அரசுத் தரப்பு பணமானது எல்.ஐ.சி-யின் ஓய்வுக்கால நிதியம் மற்றும் அரசுக் கடன் பத்திரங்களில் முதலீடு செய்யப்படுவதால், வருமானம் குறைவாக உள்ளது. ஆனால் சி.பி.எஸ்ஸுக்கு அரசு வழங்க வேண்டிய ஜி.பி.எஃப் வட்டி அதிகமாக இருப்பதால், ஆண்டுதோறும் ரூ.1,200 கோடிக்கு மேல் தமிழக அரசு நிதி இழப்பு ஏற்படுகிறது. இது மட்டுமன்றி, சி.பி.எஸ் திட்டமானது, ஊழியர்களுக்கு கணிசமான இழப்பை உண்டாக்குவதுடன், அவர்களை நிதிப் பாதுகாப்பின்மைக்கும் உள்ளாக்குகிறது.

3. என்.பி.எஸ் திட்டமானது பென்ஷன் ஃபண்ட் ஆணையத்தால் (PFRDA) ஒழுங்கமைக்கப்பட்டு, நிதி மேலாளர்களால் வெளிப்படையாக முதலீடு செய்யப்பட்டு, முறையாகக் கண்காணிப்புக்கு உள்ளாகிறது. 2008 மற்றும் 2009-ம் ஆண்டுகளில் பென்ஷன் ஃபண்ட் ஆணையம் என்.பி.எஸ் திட்டத்தில் சேரும்படி தமிழக அரசை மீண்டும் மீண்டும் அழைத்தும் தமிழக அரசு ஆணையத்தின் கோரிக்கையை ஏற்கவில்லை. எனவே, இந்தியத் தலைமை கணக்காயரின் அபிப்பிராயம் உள்ளிட்ட பல்வேறு அம்சங்களையும் பரிசீலித்து, மேம்பட்ட புதிய என்.பி.எஸ் திட்டத்தில் தமிழக அரசு சேர வாய்ப்புண்டு. 

இது பற்றி தமிழக அரசின் 2022-23-ம் ஆண்டுக்கான, பென்ஷன் மற்றும் ஓய்வுக்கால செலவுகளுக்கான மானிய கோரிக்கையில், கொள்கைக் குறிப்புகளாக (Policy Note) ஏற்கெனவே சொல்லப்பட்டுள்ளன. தமிழக அரசு மேம்படுத்தப்படும் என்.பி.எஸ் திட்டத்தில் சேருமா என பொறுத்திருந்துப் பார்ப்போம்.