Tuesday, 3 November 2026

பள்ளியில் பராமரிக்க வேண்டிய பதிவேடுகள் / Maintenance of Registers in Schools

பள்ளியில் பராமரிக்க வேண்டிய பதிவேடுகள்

1.ஆசிரியர் வருகைப் பதிவேடு
2.மாணவர் வருகைப் பதிவேடு
3.மாணவர் சேர்க்கை - நீக்கல் பதிவேடு
4.சேர்க்கை விண்ணப்பங்கள் தொகுப்பு
5.பதிவுத்தாட்கள் உண்மை நகல்
6.அளவைப் பதிவேடு
7.நிறுவனப்பதிவேடு
8.பள்ளி தளவாடச் சாமான்கள் பதிவேடு
9.தணிக்கைப் பதிவேடு
10.பார்வையாளர் பதிவேடு
11.பள்ளி விவரப் பதிவேடு (school profile )
12.ஊதியப்பட்டியல் பதிவேடு
13.ஊதிய செல்லுப் பட்டியல் பதிவேடு
14.மதிப்பெண் பதிவேடு
15.தேக்கப் பட்டியல்
16.வருகைப்பட்டியல்
17.மாதாந்தர அறிக்கை தொகுப்பு பதிவேடு
18.வரத்தவறியவர் பதிவேடு
19.சிறுபான்மை மொழி பேசுவோர் பதிவேடு
20.மாணவர் தினசரி வருகைச் சுருக்கம்
21.மக்கள் தொகை கணக்குப் பதிவேடு
22.சுற்றறிக்கைப் பதிவேடு
23.பொறுப்பு ஏற்புப் பதிவேடு
24.தலைமையாசிரியர் கூட்ட விவரப் பதிவேடு
25.தற்செயல் விடுப்பு
26.மருத்துவ விடுப்பு மற்றும் ஈட்டிய விடுப்பு பதிவேடு
27.தலைமையாசிரியர் கண்காணிப்பு பதிவேடு
28.ஆதிதிராவிட மாணவியர் ஊக்கத்தொகை வழங்கும் பதிவேடு
29.வாசிப்புத்திறன் பதிவேடு
30.அஞ்சல் பதிவேடு
31.தொலைக்காட்சி, வானொலி வகுப்புப் பதிவேடு
32.அறிவியல் உபகரணங்கள் இருப்புப் பதிவேடு
33.கணினி ,மடிக்கணினி இருப்புப் பதிவேடு
34.Inspire விருது பதிவேடு
35.கிராமக்கல்விக்குழு பதிவேடு
36.பெற்றோர் ஆசிரியர் கழக்க் கூட்டப்பதிவேடு
37.அன்னையர் குழு பதிவேடு
38.பள்ளி மேலாண்மைக் குழு பதிவேடு
39.மன்றப் பதிவேடுகள்
a.தமிழ் இலக்கிய மன்றப் பதிவேடு
b.கணித மன்றம்
c.அறிவியல் மன்றம்
d.செஞ்சிலுவைச் சங்கம்
e.சுற்றுச்சூழல் மன்றம்
40.கால அட்டவணை
41.வகுப்பு வாரியான பாடவேளை பணிமுடிப்பு பதிவேடு (work done)
42.சாதிச்சான்றிதழ் வழங்கிய பதிவேடு
43.பாடத்திட்டம் ,(கால அட்டவணையுடன்)
44.பிறப்புச் சான்றிதழ் பதிவேடு
45.பள்ளி சுகாதாரக் குழு பதிவேடு (school health club )
46.S.S.A பொருட்கள் இருப்புப் பதிவேடு
47.S.S.A வரவு செலவுப் பதிவேடு
48.வங்கி கணக்குப் புத்தகம்
49.பள்ளி மான்யம் மற்றும் பராமரிப்பு மான்யம் வரவு செலவு இரசீது பதிவேடு
50.E.E.R பதிவேடு
51.S.S.A பார்வையாளர் பதிவேடு
52.நலத்திட்டப் பதிவேடுகள்
1.விலையில்லா பாடநூல்கள் வழங்கிய பதிவேடு
2.விலையில்லா நோட்டுப் புத்தகங்கள் வழங்கிய பதிவேடு
3.விலையில்லா புத்தகப்பை வழங்கிய பதிவேடு
4.விலையில்லா சீருடை வழங்கிய பதிவேடு
5.மதிய உணவுத் திட்டம் பயனடைவோர் பதிவேடு
6.விலையில்லா காலனி வழங்கிய பதிவேடு
7.விலையில்லா பயணச்சீட்டு பயனடைவோர் பதிவேடு
8.விலையில்லா வண்ணப் பென்சில்கள் வழங்கிய பதிவேடு
9.விலையில்லா கணித உபகரணப் பெட்டி வழங்கிய பதிவேடு
10.விலையில்லா புவியியல் வரைபட நூல் வழங்கிய பதிவேடு
11.வருவாய் ஈட்டும் தாய் தந்தையரை இழந்த குழந்தைக்கு கல்வி உதவித்தொகை பதிவேடு

தனியார் பள்ளிகள் அரசு பள்ளிகள் தொடக்கப் பள்ளிகள் நடுநிலைப் மேல் நிலை பள்ளிகள் அனைத்தும் இந்த பதிவேடுகளை கட்டாயம் பராமரிப்பு செய்ய வேண்டும்

தகவல் உரிமை சட்டத்தில் 2 ஜெ கள ஆய்வு செய்ய செல்லும் நண்பர்கள் இந்த பதிவேடுகளை பார்க்க வேண்டும்

இவை தவிர மாவட்ட அலுவலக நடைமுறை தமிழ் நாடு அரசு அலுவலக நடைமுறை சட்ட விதிமுறைகளின் படி பராமரிப்பு செய்ய வேண்டிய பதிவேடுகள் உள்ளன

Friday, 23 October 2026

TAPS ALL GO AND LETTERS / TAPS திட்டம் அறிவிக்கப்பட்டது முதல் தற்போது வரை அரசு/நிதித்துறை/கருவூலத்துறை / வெளியிட்டஅரசாணை மற்றும் கடிதங்களின் தொகுப்பு இது

*நண்பர்களே வணக்கம்* 🙏
TAPS திட்டம் அறிவிக்கப்பட்டது முதல் தற்போது வரை அரசு/நிதித்துறை/கருவூலத்துறை / வெளியிட்ட
அரசாணை மற்றும் கடிதங்களின் தொகுப்பு இது




TAPS திட்டம் சார்ந்த தகவல் முழுமையான அரசாணை வந்த பிறகு தான் தெரியவரும்

தகவலுக்காக
க.செல்வக்குமார்
தலைமை ஆசிரியர்
மதுரை மாவட்டம்
22/10/26

Click link 🖇️🔗 download 

Friday, 9 October 2026

*அக்டோபர் - 09 :**உலக அஞ்சல் தினம்.**October 9 - World Post Day*

*அக்டோபர் - 09 :*
*உலக அஞ்சல் தினம்.*
*(World Post Day)*



ஒவ்வொரு வருடமும் பொங்கல் பண்டிகைக்கு நண்பர்களுக்கும், உறவினர்களுக்கும் வாழ்த்து அனுப்பியது,

ஹாஸ்டலில் தங்கி ஆசிரியர் பயிற்சி பெற்ற (1985-87) இரண்டாண்டு காலத்தில் நண்பர்களுக்கும், எனது அப்பாவுக்கும் கடிதம் எழுதியது,

ஜவ்வாது மலை தோப்பூரில் முதன்முதலில் இடைநிலை ஆசிரியராகப் பணியில் சேர்ந்து அங்கு பணியாற்றிய (1988-91) மூன்றாண்டு காலத்தில் நண்பர்களுக்குக் கடிதம் எழுதியது,

வார மற்றும் மாத இதழ்களுக்கு வாசகர் கடிதமும், கவிதையும் எழுதி அனுப்பியது,

நேயர் விருப்பம் நிகழ்ச்சிக்காக வானொலி நிலையங்களுக்குக் கடிதம் எழுதியது,

இவையாவும்
நெஞ்சில் நிலைத்த
நினைவுகள்.

அப்போதெல்லாம் வீட்டிற்கு வெகுதொலைவில் இருந்து உறவினர்கள், நண்பர்கள் வந்து சென்றபிறகு "நான் பத்திரமாக வீடு வந்து சேர்ந்தேன்" என்று கடிதம் அனுப்புவார்கள். இரண்டு அல்லது மூன்று நாட்களில் அந்தக் கடிதம் வீட்டிற்கு வந்துவிடும்.

அதேபோல... வரன் பார்க்க வருபவர்கள்... "போய்ட்டு லெட்டர் போடுகிறோம்" என்று சொல்லிச் செல்வதுண்டு.

தலைமை ஆசிரியர்கள் விடுப்பு கேட்டு AEO அலுவலகத்துக்கு Reply Post Card அனுப்புவார்கள்.(தற்போது அது BEO அலுவலகம்). 

எனக்கு நினைவு தெரிந்து Post Card 15 பைசா. Inland letter 25 பைசா, Envelope Cover 50 பைசா.

Wednesday, 1 July 2026

தமிழ்நாட்டில் இருந்து கோவா (Goa) செல்பவர்கள் கவனத்திற்கு!

தமிழ்நாட்டில் இருந்து கோவா (Goa) செல்பவர்கள் கவனத்திற்கு! 27-06-2026 (பதிவு செய்த நாள்)




கோவா என்ற உடனே பலருக்கும் அது ஒரு சொகுசு உலகமாகத் தெரியலாம். ஆனால் நீங்கள் நினைக்கும் மாதிரி இங்கே அவ்வளவு எளிமையாக ஏமாறாமல் இருக்க முடியாது.

நீங்கள் ஏமாறாமல் இருக்க என்ன செய்ய வேண்டும், முடிந்தவரை எப்படி பணத்தை மிச்சப்படுத்தி பயணம் செய்வது என இந்தப் பதிவில் கூறுகிறேன்.

முதல்ல கோவா எங்கே இருக்கு? எப்படிப் போகணும்?

கோவா இந்தியாவின் மேற்கு கடற்கரைப் பகுதியில், மகாராஷ்டிராவிற்கும் கர்நாடகாவிற்கும் நடுவில் அமைந்துள்ள ஒரு சிறிய மாநிலம்.

  தமிழ்நாட்டிலிருந்து நேரடியாகக் கோவாவிற்கு ரயில்கள் குறைவு. வாரத்திற்கு ஒருமுறை மட்டுமே 17316 (vasco-da-gama weekly express) வேளாங்கண்ணியில் இருந்து திருவாரூர் நாகப்பட்டினம்,தஞ்சாவூர்,திருச்சி,கரூர்,ஈரோடு, சேலம் வழியாக இயக்கப்படுகிறது.

 பட்ஜெட் பயணிகளுக்கு மிக எளிய வழி பெங்களூருதான். 17309 பெங்களூரு (யஷ்வந்த்பூர்) ரயில் நிலையத்தில் இருந்து தினமும் மாலை 3:30 மணிக்கு vasco-da -gama (வாஸ்கோடகாமாவிற்கு ஒரு ரயில் இயக்கப்படுகிறது.

இந்த ரயில் அடுத்த நாள் காலை 5 மணிக்கு வாஸ்கோடகாமாவில் இறக்கி விடும். அதற்கு முன்னதாக இருக்கும் மட்கான் ரயில் நிலையத்தில் கூட இறங்கலாம். (இதுவும் கோவாவில் உள்ள முக்கிய ரயில் நிலையம் தான்)

மட்கான் ரயில் நிலையத்தில் மேலே IRCTC டார்மிட்டரி உள்ளது.அங்கேயே கூட தங்கிக் கொள்ளலாம். வெளியில் வந்தால் லாட்ஜ் மற்றும் ஹோம்ஸ்டேக்களும் உள்ளது.
டார்மிட்டரி வசதிகளும் உள்ளது.

ரயில் நிலையத்திலிருந்து வெளியே வந்தால் வாடகை பைக் வேண்டுமா என்று கேப்பார்கள். 800 ரூபாய் சொல்வார்கள். 600 ரூபாய்க்கு முடிக்கப் பாருங்கள்.முடிந்தவரை குறைத்துக் கேளுங்கள்.

தமிழ்நாட்டுச் சாப்பாடான இட்லி, தோசை அல்லது முறையான சாப்பாடு (Meals) இங்குத் தரமாகக் கிடைப்பது மிகக் கடினம். வட இந்திய உணவுகள் அல்லது மேற்கத்திய (Western) உணவுகள்தான் அதிகம். அதுவும் டூரிஸ்ட் ஸ்பாட்களில் ஒரு சாதாரண உணவின் விலை கூட உழைக்கும் மக்களின் ஒரு நாள் கூலிக்குச் சமமாக விற்கப்படுகிறது. 

உள்ளூர் உணவு வாங்கினால் விலை குறைவாக இருக்கும்.

மற்ற மாநிலங்களைப் போல கோவாவில் அரசுப் பொதுப் போக்குவரத்து (Public Transport) வலுவாக இல்லை. நீங்கள் ஒரு இடத்திலிருந்து இன்னொரு இடத்திற்குப் போக வேண்டுமென்றால், தனியார் டாக்சிகளையோ அல்லது சொந்தமாக ஸ்கூட்டர்களையோதான் வாடகைக்கு எடுக்க வேண்டும். இங்கு லோக்கல் ஆட்டோ மற்றும் டாக்சி மாஃபியா' மிக அதிகம். ஒரு சில கிலோமீட்டர்களுக்குக் கூட அநியாயக் கட்டணம் வசூலித்துச் சாமானியர்களின் பாக்கெட்டை காலி செய்துவிடுவார்கள்.

தனி ஆளாக கோவா சென்றால் பட்ஜெட் எகிறிவிடும். இரண்டுப் பேர் அல்லது குழுவாக செல்லுங்கள். பைக் வாடகை எடுத்துக் கொள்ளுங்கள். கட்டாயம் ஹெல்மெட் ⛑️ அணிய வேண்டும். பொறுமையாக வண்டி ஓட்டுங்கள். மது போதையில் வாகனத்தை இயக்க வேண்டாம்.

வாட்டர் கேம்ஸ் எல்லாம் அக்டோபர் மாதம் தான் அதிகமாக இருக்கும்.மழைக்காலங்களில் சென்றால் இவை அதிகமாக இருக்காது.

முறையான திட்டமிடல் இருந்தால் கோவா பயணம் சிறப்பாக அமையும் நண்பர்களே ❤️

#tamilnadutogoa
#Goatripplan
#monsoontravel

Saturday, 17 January 2026

மெட்ராசை சுற்றிப்பார்க்க ரூ.50/- மட்டுமே / Chennai Central to Pallavan House Rs.50/- Only

மெட்ராசை சுற்றிப்பார்க்க 

ரூபாய் 50 மட்டுமே 
எங்கு வேண்டுமானாலும் ஏறி, எங்கு வேண்டுமானாலும் இறங்கிக்கொள்ளலாம்


Bus / பேருந்து 


சுற்றி பார்க்கும் இடங்கள் 




வழித்தடங்கள் 




திறமை முக்கியமா? தொடர் முயற்சி முக்கியமா? - தேர்வில் வெற்றிபெற கூறும் வழிமுறை! / How to Success in Exams / Tips to Success in Exams

திறமை முக்கியமா? தொடர் முயற்சி முக்கியமா? - தேர்வில் வெற்றிபெற சைமன் ஆட்சியர் கல்வி கூறும் வழிமுறை!

பல நேரங்களில் தேர்வுக்குத் தயாராகும் மாணவர்கள் நினைப்பது ஒன்றுதான்: "எனக்கு அவரைப் போல அதிக நினைவாற்றல் இல்லை, நான் பள்ளியில் முதல் மாணவன் இல்லை, என்னால் எப்படி இந்தத் தேர்வில் வெற்றிபெற முடியும்?"


வெற்றி என்பது அதீத திறமைசாலிகளுக்குச் சொந்தமானது அல்ல; அது விடாமுயற்சி (Consistency) உடையவர்களுக்கே சொந்தமானது.

விடா முயற்சியை மையக்கருவாக கொண்டு உங்கள் தேர்வு தயாரிப்பை எப்படி மாற்றியமைப்பது என்பதை இங்கே காண்போம்.

1. ஊக்கம் (Motivation) vs ஒழுக்கம் (Discipline)

தேர்வுக்குப் படிக்கத் தொடங்கும் முதல் வாரத்தில் இருக்கும் வேகம், இரண்டு வாரங்களுக்குப் பிறகு இருப்பதில்லை. ஏன்?


 * மோட்டிவேஷன் (Motivation): இது ஒரு தீக்குச்சி போன்றது. சட்டென்று பற்றிக்கொள்ளும், ஆனால் சீக்கிரமே அணைந்துவிடும். இதை மட்டும் நம்பி தேர்வுக்குப் படிக்க முடியாது.

 * டிசிப்ளின் (Discipline): இதுதான் உண்மையான சாவிக். உங்களுக்குப் படிக்கப் பிடிக்காத நாட்களிலும், சோர்வாக இருக்கும் நாட்களிலும் உங்களைப் புத்தகத்தை எடுக்க வைப்பது இந்த ஒழுக்கம்தான்.
> தேர்வுக்கான பாடம்: தினமும் காலையில் எழும்போது படிக்கும் மனநிலை (Mood) இருக்காது. ஆனால், மனநிலையைத் தாண்டி கடமையைச் செய்வதுதான் வெற்றியாளரின் அடையாளம்.
> 
2. சிறு துளி பெரு வெள்ளம் (Small Actions, Big Results)
ஒரே நாளில் 1000 செங்கற்களை வைத்து சுவர் கட்ட முடியாது. ஆனால் தினமும் ஒரு செங்கல்லை சரியாக வைத்தால், ஒரு கட்டத்தில் பிரம்மாண்டமான சுவர் உருவாகும்.

 * பாறையின் மீது விழும் ஒரு சொட்டு நீர் மென்மையானதுதான். ஆனால் அது தொடர்ந்து விழுந்துகொண்டே இருந்தால், அந்தப் பாறையையே பிளந்துவிடும்.

> தேர்வுக்கான பாடம்: தேர்வுக்கு இன்னும் 6 மாதங்கள் உள்ளன என்று நினைக்காதீர்கள். தினமும் 1 மணி நேரம் படிக்கும் ‘Current Affairs’ அல்லது தினமும் மனப்பாடம் செய்யும் 10 திருக்குறள்கள் தான் உங்களை வெற்றியடையச் செய்யும். ஒரே நாளில் மொத்த சிலபஸையும் படித்துவிட முடியாது.
> 


3. 21 நாட்கள் விதி (The 21-Day Rule)
எந்த ஒரு புதிய பழக்கத்தையும் உருவாக்க சராசரியாக 21 நாட்கள் ஆகும் என்று அறிவியல் கூறுகிறது.

 * முதல் சில வாரங்கள் அதிகாலை 5 மணிக்கு எழுந்து படிப்பது மிகக் கடினமாக இருக்கும். உடல் ஒத்துழைக்காது. ஆனால், 21 நாட்கள் தொடர்ந்து செய்துவிட்டால், 23-வது நாள் அலாரம் இல்லாமலே உங்கள் கண்கள் விழித்துவிடும்.


> தேர்வுக்கான பாடம்: ஆரம்பத்தில் ஏற்படும் சிரமத்தைப் பார்த்து விட்டுவிடாதீர்கள். அது தற்காலிகமானது. பழக்கமாக மாறும் வரை பொறுமையாக இருங்கள்.
> 
4. சலிப்பை நேசியுங்கள் (Embrace the Boredom)

வெற்றி என்பது எப்போதும் சுவாரஸ்யமானது அல்ல. அது பல நேரங்களில் சலிப்பானது (Boring).
 * ஒரே பாடத்தை திரும்பத் திரும்பப் படிப்பது (Revision), பழைய வினாத்தாள்களைத் திரும்பப் பார்ப்பது போன்றவை சலிப்பை ஏற்படுத்தலாம். ஆனால், இந்த "சலிப்பான" விஷயங்களை யார் தொடர்ந்து செய்கிறார்களோ, அவர்களே தேர்வில் சாதிக்கிறார்கள்.


 * உடனடித் திருப்தியை (Instant Gratification) எதிர்பார்ப்பவர்கள் தோல்வியடைகிறார்கள்.

> தேர்வுக்கான பாடம்: புதிது புதிதாகப் படிப்பதை விட, படித்ததையே திரும்பத் திரும்பப் படிப்பது (Revision) கடினமானது. அந்தச் சலிப்பைத் தாண்டிச் செல்பவனே வெற்றியாளன்.
> 
5. உங்களை நீங்களே நம்புங்கள் (Build Self-Trust)

நம்பிக்கை என்பது வாக்குகளைக் காப்பாற்றுவதில் இருந்து வருகிறது.


 * "நாளை காலை 4 மணிக்கு எழுந்து படிப்பேன்" என்று உங்களுக்கு நீங்களே வாக்குறுதி கொடுத்துவிட்டு, எழவில்லை என்றால், உங்கள் ஆழ்மனதில் உங்கள் மீதான நம்பிக்கை குறையும்.
 * சிறிய வாக்குறுதிகளைக் கொடுத்து, அதை நிறைவேற்றுங்கள். இதுவே உங்களை தன்னம்பிக்கை கொண்டவராக மாற்றும்.
முடிவுரை
அரசுத் தேர்வில் வெற்றி பெற நீங்கள் அதிபுத்திசாலியாக இருக்க வேண்டிய அவசியமில்லை. ஆனால், நீங்கள் விட்டுவிடாதவராக (One who never quits) இருக்க வேண்டும். திறமை உங்களைச் சில தூரம் அழைத்துச் செல்லும்; ஆனால் தொடர் முயற்சி (Consistency) மட்டுமே உங்களை வெற்றியின் இறுதி எல்லைக்குக் கொண்டு செல்லும்.

ஆட்சியர் கல்வி 


TNPSC GK - OLD NAME - NEW NAME *பழைய பெயர் - புதிய பெயர்*

*பழைய பெயர் - புதிய பெயர்*