G.O. No.115/அரசாணை எண்.115

அமைச்சர் பி.டி.ஆர் பேச்சுக்கு தலைமைச் செயலக சங்கம் எதிர்ப்பு

தமிழ்நாடு தலைமைச் செயலக சங்கத்தின் தலைவர் வெங்கடேசன், செயலாளர் ஹரிசங்கர் வெளியிட்டுள்ள செய்தி குறிப்பில், “அரசிற்கும் அரசு ஊழியர் ஆசிரியர்களுக்கும் மன நல்லுறவனை சிதைக்கும் அமைச்சர் பி.டி.ஆர் பேச்சுக்கு கண்டனம் தெரிவித்துக் கொள்வதுடன், தமிழ்நாடு முதலமைச்சர் இளைஞர்களின் அரசு வேலைவாய்ப்பினை காத்து 69 சதவீத இட ஒதுக்கீட்டினை உறுதி செய்து சமூக நீதியினை காத்திட வேண்டும் என தெரிவித்துள்ளனர்.

தமிழ்நாடு சட்டப்பேரவை கூட்டத் தொடரில் எதிர்க்கட்சித் தலைவர் தமிழ்நாடு அரசு பணியாளர் தேர்வாணையத்தில் வெளியிடப்பட்ட குரூப்-4(Group 4) தேர்வு முடிவுகளில் ஏற்பட்டுள்ள குளறுபடிகள் குறித்து கவனயீர்ப்பு தீர்மானத்திற்கு பதில் அளித்த அமைச்சர் பி.டி.ஆர், அந்த அரசாணை வரும் பொழுது பலர் எதிர்த்தார்கள், சில பேர் தற்காலிகமாக இருந்து கொண்டு 5000, 8000, 10,000 எல்லாம் வாங்கிக் கொண்டு இருக்கிறார்கள்.

ஆனால் முழு நேர பணியாளர்கள் பல லட்சம் ரூபாய் வாங்குகிறார்கள், இது நியாயம் அல்ல, அதனால் அடிப்படை அவுட்டோர் சிங் முறையில் இவர்களை எல்லாம் ஈபிஎப், இஎஸ்ஐ சேர்க்க வேண்டும் என்பதற்காகத்தான் அரசாணையை கொண்டு வந்தோம், அதனை எதிர்த்தார்கள் எனவும் சமூக நீதி நிலைநாட்ட இந்த அரசாணைக்கு அனைவரும் ஆதரவு தர வேண்டும் என தெரிவித்திருந்தார்.

நிதி அமைச்சரின் பதிலறையில் குறிப்பிட்டுள்ள அரசாணை என்பது அரசு பணிக்கு ஆட்சேர்ப்பு மற்றும் பயிற்சி தொடர்பாக ஒரு வல்லுநர் குழு அமைத்து அதற்கான ஆய்வு வரம்புகளை குறிப்பிட்டது. இந்த ஆய்வு வரம்புகள் என்பது தமிழக அரசால் பின்பற்றப்பட்டு வரும் 69 சதவீத இட ஒதுக்கீட்டிற்கு எதிரானதாகவும், இளைஞர்களின் வேலைவாய்ப்பினை தகர்க்கும் விதமாகவும் இருந்ததால் தமிழ்நாடு தலைமைச் செயலக சங்கம் தமிழ்நாடு அமைச்சருக்கு இந்த அரசாணையை ரத்து செய்யுமாறு கோரிக்கை விடுத்தது.

முதலமைச்சர் அரசாணை 115 கீழ் அமைக்கப்பட்டுள்ள வல்லுநர் குழுவிற்கான ஆய்வு வரம்புகளை ரத்து செய்து உத்தரவிட்டார்.

முதலமைச்சர் ரத்து செய்து உத்தரவிட்ட அரசாணையை மீண்டும் குறிப்பிட்டு அது சரியான ஆய்வு வரம்புகளோடு வெளியிடப்பட்டது தான் என்கிற தொனியில் அமைச்சர் சட்டமன்றத்திலேயே பேசி இருப்பது என்பது உள்ளபடியே மனித வள மேலாண்மை துறை என்பது முழுக்க முழுக்க கார்ப்பரேட் பாதையில் பயணித்துக் கொண்டு இருக்கிறது என்பதை தெளிவுபடுத்தி உள்ளது.

தமிழ்நாட்டில் ஆட்சி பொறுப்பில் யார் இருந்தாலும் தமிழக அரசின் 69 சதவீத இட ஒதுக்கீட்டினை இந்திய அரசியல் சாசனத்தில் பாதுகாப்பு பெற்று நடைமுறைக்கு கொண்டு வந்து சமூகநீதியானது பாதுகாக்கப்பட்டு வருகின்றது.

இந்த சூழலில் சட்டமன்றத்தில் நிதி அமைச்சரின் கூற்று என்பது முற்றிலும் எதிரானதாக அமைந்துள்ளது. வெளி முகமை மூலமாக பணியாளர்களை பணி அமர்த்தும் போது அந்த விதிமுறைகள் 69 சதவீத இட ஒதுக்கீட்டினை எந்த வகையில் நடைமுறைப்படுத்தும்.

முழு நேர பணியாளர்கள் பல லட்சம் ரூபாய் வாங்குகிறார்கள் என்று குறிப்பிட்டு அரசு ஊழியர்கள் ஆசிரியர்கள் மீதான தனது வெறுப்பினை வெளிக்காட்டி உள்ளார்.

அரசு பணியாளர்கள் பணியில் சேரும்போது யாரும் பல லட்சம் ரூபாயில் வாங்குவதில்லை. 25 ஆண்டுகள் கடந்து பின்னர் தான் அதிலும் பதவி உயர்வு கிடைக்கும் பொழுது தான், 12 லட்சம் அரசு ஊழியர்கள் ஆசிரியர்களில் சில ஆயிரம் பணியாளர்கள் தான் லட்சம் என்ற மாதாந்திர சம்பளத்தினை அடைந்துள்ளனர்.

தமிழ்நாடு அரசு பணியாளர் தேர்வாணையத்தில் நடத்தப்பட்ட போட்டி தேர்வில் தகுதி பெற்றவர்களை தற்காலிக பணியாளர்களோடு ஒப்பிடுவது எந்த விதத்தில் நியாயம்?.

திமுகவின் தேர்தல் அறிக்கையில் அரசு பணியில் 3.5 லட்சம் காலி பணியிடங்கள் நிரப்பப்படும் என்ற வாக்குறுதிக்கு மாறாக அவற்றை தனியார் முகமை மூலம் நிரப்புவது தான் நிதி அமைச்சரின் நோக்கமா?. அதற்காகத்தான் ரத்து செய்யப்பட்ட அரசாணை 115 ஆய்வு வரம்புகளை மீண்டும் கொண்டுவர அமைச்சர் முயற்சிக்கிறாரா?.

தற்பொழுது பணியில் உள்ள பணியாளர்களை முழு நேர பணியாளர்கள் என குறிப்பிடுவதன் மூலம் வரும் காலத்தில் எந்த ஒரு பணியிடத்திலும் நிரந்தர பணியிடமாக கொள்ளாமல் அத்தக்கூலியாக பணி பாதுகாப்பு என்பதே இல்லாமல் குறைந்த ஊதியத்தில் கார்ப்பரேட் மாடலில் செயல்படுத்த முழு முயற்சி செய்து கொண்டுள்ளதை வெளிப்படையாகவே சட்டப்பேரவையில் அறிவித்துள்ளார்.

இதன் வெளிப்பாடு தான் தமிழ்நாடு அரசு பணியாளர் தேர்வாணையத்தினால் வெளியிடப்பட்டுள்ள 2023 ஆம் ஆண்டிற்கான போட்டித் தேர்வுக்கான திட்டத்தில் 2000-த்துக்கு குறைவான பணியிடங்களை நிரப்புவதற்கான திட்டமிடல் வெளியிடப்பட்டுள்ளது.

நிதி அமைச்சர் திட்டமிடுகின்றது திராவிட மாடலுக்குள்ளான கார்ப்பரேட் மாடலோ?

ஆட்சி மாற்றம் ஏற்பட்டு அரசு ஊழியர்கள் ஆசிரியர்களுக்கு வழங்கப்பட்ட மூன்று தவணை அகவிலைப்படி எப்படி ஆறு மாத காலம் கடந்த நிலுவை தொகையினை மறுத்து வழங்கிய பிறகும் நிதி அமைச்சர் அரசு ஊழியர்கள் ஆசிரியர்கள் மீது வன்மான முறையில், ஒரு விழுக்காட்டிற்கு கீழ் குறைவான பணியாளர்கள் பெரும் லட்ச ரூபாய் மாத சம்பளத்தை பெரிதாக்கி ஏதோ அனைத்து பணியாளர்களும் சக போகிகளாக உலா வந்து கொண்டிருக்கிறார்கள் என்பதை போல் உருவகப்படுத்துகிறார்.

தமிழ்நாடு முதலமைச்சர் உடனடியாக இந்த விஷயத்தில் தலையிட்டு இளைஞர்களின் வேலைவாய்ப்பினை காற்று 69 சதவீத இட ஒதுக்கீட்டின் கீழ் அடிப்படை பணியாளர் நியமனம் செய்து சமூக நீதியினை காத்திட வேண்டும்  எனவும் அதில் கூறியுள்ளார்

March 26 _ லாரி பேஜ் google நிறுவனத்தை ஆரம்பித்த அமெரிக்கர் பிறந்த தினம்:- 1973 ,மார்ச், 26

💥 லாரி பேஜ் google நிறுவனத்தை ஆரம்பித்த அமெரிக்கர் பிறந்த தினம்:- 1973 ,மார்ச், 26

💥 லாரி பேஜ் அமெரிக்காவின் தலைமை இடமாகக் கொண்டு செயல்படும் கூகுள் நிறுவனத்தை தொடங்கியவர். 1998ஆம் ஆண்டு லாரி பேஜ்,சேர்ஜி பிரின் என்பவரால் ஆரம்பிக்கப்பட்டது.

🌀🌀🌀🌀🌀🌀

வரலாறு

வரலாறு

*தமிழ் மன்னர்கள் சிறப்பு*

💥 மலைசார்ந்த நாடுகளை ஆட்சி செய்த குறுநில மன்னர்கள் எவ்வாறு அழைக்கப்பட்டனர்- வேளிர்கள்

💥 பொதிகை மலையை ஆட்சி செய்த குறுநில மன்னன் யார்- ஆய்

💥 குதிரை மலையை ஆட்சி செய்த குறுநில மன்னன் யார்- அதியமான்

💥 பரம்பு மலையை ஆட்சி செய்த குறுநில மன்னன் யார்- பாரி

💥 தமிழகத்தின் இருண்ட காலம் என்று அழைக்கப்படும் காலம் எது- களப்பிரர்கள் காலம்

💥 மதுரையில் திராவிட சங்கத்தை நிறுவியவர் யார்- வஜ்ஜிர நந்தி என்ற சமண துறவி

💥 கடாரம் கொண்டான் என்று அழைக்கப்படுபவர் யார்- முதலாம் ராஜேந்திரன்

💥 சோழர்கள் பின்பற்றிய சமயம் எது- சைவ சமயம்

💥 யாருடைய காலத்தில் ஜாதி முறை கடுமையாக கடைபிடிக்கப்பட்டது- சோழர் காலம்

💥 பல்லவர்களின் ஆட்சி மொழி என்ன- சமஸ்கிருதம்

💥 பல்லவர்களின் புகழ்மிக்க இசை கல்வெட்டு எது- குடுமியன் மலை கல்வெட்டு

💥 பல்லவர்களின் புகழ்பெற்ற கடற்கரை கோயில் எது- மாமல்லபுரம் பஞ்சபாண்டவர் ரதங்கள்

💥 காஞ்சி கைலாசநாதர் கோயில் வைகுந்த பெருமாள் கோயில் கட்டியவர்கள் யார்- பல்லவர்கள்

💥 குடைவரைக் கோயில்களை உருவாக்கியவர்கள் யார்- பல்லவர்கள்

💥 நடராசர் சிலை யாருடைய காலத்தில் வடிவமைக்கப்பட்டது- சோழர் காலம்

💥 சித்தர்கள் உருவாக்கிய மருத்துவ முறை எது- சித்த மருத்துவம்

💥 சித்த மருத்துவத்தின் தாயகம் எது- தமிழகம்

*அரேபியர் துருக்கியர்கள் படையெடுப்பு*

💥 இஸ்லாம் மதத்தை தோற்றுவித்தவர் யார்- முகமது நபி

💥 முதன் முதலில் இஸ்லாம் மதத்தை பின்பற்றியவர்கள் யார்- அரேபியர்கள்

💥 முல்தானை தங்க நகரம் என்று அழைத்தவர் யார்- முகமது பின் காசிம்

💥 முஸ்லிம் அல்லாதோர் மீது விதிக்கப்பட்ட வரி எது- ஜிசியா வரி

💥 பிரம்ம சித்தாந்தம் என்ற நூலை எழுதியவர் யார்- பிரம்ம குப்தர்

💥 முகமது கஜினி சோமநாதபுரம் கோயிலின் மீது எந்த ஆண்டு படை எடுத்தார்- கிபி1025

💥 முகமது கஜினி இந்தியா மீது எத்தனை முறை படையெடுத்தார்- 17

💥 முகமது கஜினி அவையில் இருந்த அறிஞர் யார்- அல்பரூனி

💥 முதல் தரைன் போர் எந்த ஆண்டு நடைபெற்றது?- கிபி1191

💥 இரண்டாம் தரைன் போர் எந்த ஆண்டு நடைபெற்றது- கிபி1192

💥 சந்தவார் போர் எந்த ஆண்டு நடைபெற்றது- கிபி1194

💥 நாளந்தா விக்ரமசீலா பல்கலைக்கழகங்களை இடித்தது யார்- பக்தியார் கில்ஜி

💥 தைமூர் எந்த ஆண்டு இந்தியா மீது படை எடுத்தார்- கிபி1398

*அடிமை வம்சம்*

💥 அடிமை மரபை தோற்றுவித்தவர் யார்- குத்புதீன் ஐபக்

💥 குத்புதீன் ஐபக் எந்த மன்னனின் அடிமையாக இருந்தார்- முகமது கோரி

💥 குதுப்மினாரை டெல்லியில் கட்ட ஆரம்பித்தவர் யார்- குத்புதீன் ஐபக்

💥 குதுப்மினாரை கட்டி முடித்தவர் யார்- இல்துத்மிஷ்

💥 குத்புதீன் ஐபக் எந்த விளையாட்டு விளையாடும் போது இறந்தார்- போலோ

💥 குத்புதீன் ஐபக் எவ்வாறு அழைக்கப்படுகிறார்- லாக் பக்சா

💥இல்துத்மிஷ் வெளியிட்ட நாணயத்தின் பெயர் என்ன- டங்கா என்ற வெள்ளி நாணயம் மற்றும் ஜிடால் என்ற செம்பு நாணயம்

💥நாற்பதின்மர் குழு என்ற குழுவை உருவாக்கியது யார்- இல்துத்மிஷ்

💥நாற்பதின்மர் குழுவை ஒழித்தவர் யார்- பால்பன்

💥 குதுப்மினார் யார் நினைவாக கட்டப்பட்டது- குதுப் உத் தீன் பக்தியார்

💥இல்துத்மிஷின் மகள் யார் - இரசியா

💥 அடிமையின் அடிமை என அழைக்கப்பட்டவர் யார்- இல்துத்மிஷ்

💥 டெல்லியை ஆண்ட முதல் பெண் அரசி யார்- இரசியா

💥பால்பன் எந்த கோட்பாட்டில் நம்பிக்கை உடையவர்- தெய்வீக உரிமை கோட்பாடு

💥பைபோஸ் என்பது என்ன - மன்னரின் காலை முத்தமிட்டு வணங்குதல்

💥 பைபோஸ் முறையை கொண்டு வந்தவர் யார்- பால்பன்

💥 இந்திய கிளி என அழைக்கப்படுபவர் யார்- அமீர்குஸ்ரு

*கில்ஜி வம்சம்*

💥 கில்ஜி மரபை தோற்றுவித்தவர் யார்- ஜலாலுதின் கில்ஜி

💥ஜலாலுதின் திருச்சி எவ்வாறு அழைக்கப்பட்டார்- கருணை உள்ளம் கொண்ட ஜலாலுதீன்

💥 ஜலாலுதீன் கில்ஜி கொன்றவர் யார்- அலாவுதீன் கில்ஜி

💥 அலாவுதீன் கில்ஜியின் படைத்தளபதி யார்- மாலிக்கபூர்

💥 அலாவுதீன் கில்ஜி தம்மை எவ்வாறு கருதினார்- கடவுளின் பிரதிநிதியாக

💥 குதிரைகளுக்கு சூடு போடும் தாக் முறையை முதன் முதலில் அறிமுகப்படுத்தியது யார்- அலாவுதீன் கில்ஜி

💥 ராமேஸ்வரம் வரை படையெடுத்து வந்த டெல்லி சுல்தான் யார்- அலாவுதீன் கில்ஜி

💥 நிரந்தர படையை உருவாக்கிய முதல் சுல்தான் யார்- அலாவுதீன் கில்ஜி

💥 அங்காடி பொருள்களின் விலையை கட்டுப்படுத்தி நிர்ணயித்தவர் யார்- அலாவுதீன் கில்ஜி

*துக்ளக் வம்சம் சையது வம்சம்*

💥 துக்ளக் வம்சத்தை தோற்றுவித்தவர் யார்- கியாசுதீன் துக்ளக்

💥 முகமது பின் துக்ளக்கின் இயற்பெயர் என்ன- ஜீனாகான்

💥 முகமது பின் துக்ளக் தலைநகரை டெல்லியில் இருந்து எங்கு மாற்றினார்- தேவகிரிக்கு

💥 முகமது பின் துக்ளக் எந்த நாணயங்களை வெளியிட்டார் - செப்பு நாணயங்கள்

💥 முகமது பின் துக்ளக் வழங்கிய விவசாய கடன் பெயர் என்ன- தக்காவி

💥 பூரி ஜெகநாதர் கோயிலை அழித்தவர் யார்- பிரோஷ் துக்ளக்

💥 துக்ளக் மரபிற்கு பின் டெல்லி ஆண்டவர்கள் யார்- சையது மரபினர்

💥 சையது மரபினை தொடங்கியவர் யார்- கிஸிர்கான்

*லோடி வம்சம்*

💥 டெல்லியை ஆண்ட சுல்தான்களில் கடைசி மரபு எது- லோடி மரபு

💥 லோடி மரபை தோற்றுவித்தவர் யார்- பஹ்லுல்லோடி

💥 கானிகானா என்ற பட்டம் பெற்றவர் யார்- பஹ்லுல்லோடி

💥ஷெனாய் இசையை மிகவும் விரும்பிய மன்னர் யார்- சிக்கந்தர் லோடி

💥 டெல்லி சுல்தானின் கடைசி மன்னர் யார்- இப்ராஹிம் லோடி

💥 முதல் பானிபட் போர் யாருக்கு இடையே நடைபெற்றது- இப்ராஹிம் லோடி- பாபர்

💥 முதல் பானிபட் போர் எப்போது நடைபெற்றது- கிபி 1526

*விஜயநகர பேரரசு*

💥 விஜயநகர பேரரசு எங்கு தோன்றியது- துங்கபத்திரா ஆற்றங்கரையில்

💥 விஜயநகர பேரரசை தோற்றுவித்தவர்கள் யார்- ஹரிஹரர் புக்கர்

💥 விஜயநகர பேரரசி நான்கு வம்சங்கள் எவை- சங்கம சாளுவ துளுவ ஆரவீடு

💥 விஜயநகர பேரரசின் தலைநகரமாக விளங்கியது எது- ஹம்பி

💥 முழு நிறைவான அரசர் என குறிப்பிடப்படுபவர் யார்- கிருஷ்ணதேவராயர்

💥 கிருஷ்ணதேவராயரின் அமைச்சரவையில் இருந்த அறிஞர்கள் எவ்வாறு அழைக்கப்பட்டனர்- அஷ்டதிக்கஜங்கள்

💥 தலைக்கோட்டை போர் எந்த ஆண்டு நடைபெற்றது- 1565

💥 கிருஷ்ணதேவராயரின் சிறப்பு பெயர்கள் என்ன- ஆந்திர போஜர் அபினவ போஜர் ஆந்திரபிதாமகர்

💥 முனுமுனுக்கும் அரங்கம் எங்கு உள்ளது- பீஜப்பூரில் உள்ள கோல்கும்பா கட்டிடத்தில்

💥 பாமினி அரசை நிறுவியவர் யார்- அலாவுதீன் பாமனஷா என்ற ஹசன்கங்கு பாமினி

*பக்தி இயக்கங்கள்*

💥 பக்தி இயக்கம் எங்கு தொடங்கப்பட்டது- தென்னிந்தியாவில்

💥 பக்தி இயக்கத்தை வட இந்தியாவில் பரப்பியவர் யார்- ராமானந்தர்

💥 பக்தி இயக்கத்தை மக்களிடம் பிரபலப்படுத்தியவர் யார்-கபீர்

💥 நாயன்மார்கள் எத்தனை பேர்- 63

💥 முதன்மையான நாயன்மார்கள் யாவர்- திருஞானசம்பந்தர் திருநாவுக்கரசர் சுந்தரர் மாணிக்கவாசகர்

💥 மாணிக்கவாசகர் எழுதிய நூலின் பெயர் என்ன- திருவாசகம்

💥 நாலாயிர திவ்ய பிரபந்தத்தை தொகுத்தவர் யார்- நாதமுனி

💥 விஷ்ணுவின் புகழ் பரப்பியோர் எவ்வாறு அழைக்கப்பட்டனர்- ஆழ்வார்கள்

💥 ஆழ்வார்கள் மொத்தம் எத்தனை பேர்- 12

💥 தென்னிந்தியாவில் பக்தி இயக்கத்தை தொடங்கி வைத்தவர் யார்- சங்கராச்சாரியார்

💥 சங்கராச்சாரியார் பிறந்த ஊர் எது- காலடி

💥 ஒரே கடவுள் என்ற அத்வைத கொள்கையை பரப்பியவர் யார்- சங்கராச்சாரியார்

💥 ராமானுஜர் பிறந்த ஊர் எது- ஸ்ரீபெரும்புதூர்

💥 பக்தியின் மூலம் முக்தியை பெறலாம் என்று கொள்கையை உடையவர் யார்- ராமானுஜர்

💥 ராமானுஜரின் சீடர் யார்- ராமானந்தர்

💥 ராமானந்தரின் சீடர் யார்- கபீர்

💥 கபீரின் சீடர் யார்- குருநானக்

💥 சைதன்யர் எங்கு பிறந்தார்- வங்காளம்

💥 இந்து முஸ்லிம் ஒற்றுமையை முதன்முதலாக வலியுறுத்தியவர் யார்- கபீர்

💥 ராமனும் இரகீமும் ஒருவரே என்று கூறியவர் யார்- கபீர்

💥 கபீரின் பாடல் தொகுப்பு எவ்வாறு அழைக்கப்படுகிறது- பிஜகா

💥 சீக்கிய மதத்தை நிறுவியவர் யார்- குருநானக்

💥 குருநானக் எந்த ஊரில் பிறந்தார்- தால் வண்டி

💥 மீராபாய் யாருடைய மகள்- மேவார் மன்னன் ரதோர் ரத்னாசிங் மகள்

💥 கிருஷ்ண பக்தையான மீராபாயின் பாடல்கள் எவ்வாறு அழைக்கப்படுகின்றன- பஜன் பாடல்கள்

💥 ஞான தேவர் பகவத் கீதைக்கு எழுதிய உரையின் பெயர் என்ன- ஞானேஸ்வரி

💥 வீர சைவம் என்று பிரிவை தொடங்கியவர் யார்- பசவர்

💥 துளசிதாசர் எழுதிய நூலின் பெயர் என்ன- ராம சரிதமானஸ்

💥சூஃபிகள் என்பவர்கள் யார்- இஸ்லாமிய சீர்திருத்தவாதிகள்

💥சூஃப் என்பது என்ன- கம்பளி ஆடையை அணிந்த எளிமையான துறவிகள்

*முகலாய வம்சம் பாபர்*

💥 இந்தியாவை ஆண்ட முகலாய வம்சம் மன்னர்கள் யார்- பாபர் ஹிமாயூன் அக்பர் ஜஹாங்கீர் ஷாஜகான் ஔரங்கசீப்

💥 முகலாயர்களின் முதல் அரசர் யார்- பாபர்

💥 முகலாய பேரரசை நிறுவியவர் யார்- பாபர்

💥 பாபரை இந்தியாவின் மீது படையெடுத்து வருமாறு அழைத்தவர் யார்- தௌலத்கான் லோடி

💥 பாபர் அரியணை ஏறிய வயது என்ன- 11

💥 முதல் பானிபட் போர் எந்த ஆண்டு நடைபெற்றது- 1526

💥 இந்தியாவில் எந்த போரில் பீரங்கி முதன் முதலில் பயன்படுத்தப்பட்டது- முதல் பானிபட் போர்

💥 கான்வா போர் எந்த ஆண்டு நடைபெற்றது- 1527

💥 கான்வா போர் யாருக்கு இடையே நடந்தது- பாபர் மற்றும் ராணா சங்கா

💥 சந்தேரிப்போர் நடந்த ஆண்டு எது- 1528

💥 கோக்ரா போர் நடைபெற்ற ஆண்டு எது- 1529

💥 கோக்ரா போர் யாருக்கு இடையே நடைபெற்றது- பாபர் மற்றும் முகமது லோடி

💥 பாபரின் சுயசரிதை நூல் பெயர் என்ன- துசுக் கி பாரி

*ஹிமாயூன்*

💥 ஹிமாயூன் என்பதன் பொருள் என்ன- அதிர்ஷ்டசாலி

💥 சௌசா போர் நடந்த ஆண்டு என்ன- 1539

💥 கன்னோசி போர் நடந்த ஆண்டு என்ன- 1540

💥கன்னோசி போர் மற்றும் சௌசா போர் யாருக்கிடையே நடைபெற்றது- ஹிமாயூன் மற்றும் ஷெர்ஷா

*சூர் வம்சம்*

💥 சூர் வம்சத்தை நிறுவியவர் யார்- ஷெர்ஷா சூர்

💥 ஷெர்ஷா சூரின் இயற்பெயர் என்ன- ஃபரீத்

💥 ஷெர்ஷாவிற்கு வழங்கப்பட்ட பட்டம் என்ன- ஷெர்கான்

💥 ரயத்துவாரி முறையை அறிமுகப்படுத்தியவர் யார்- ஷெர்ஷா சூர்

💥 அக்பரின் முன்னோடி எனப்படுபவர் யார்- ஷெர்ஷா சூர்

💥 நவீன நாணய முறையின் தந்தை என அழைக்கப்படுபவர் யார்- ஷெர்ஷா சூர்

💥 தலைசிறந்த பிராணகிலா என்ற கட்டிடத்தை நிறுவியது யார்- ஷெர்ஷா

💥 தாக் முறையை பின்பற்றியவர் யார்- ஷெர்ஷா

💥 ஷெர்ஷா அறிமுகப்படுத்திய வெள்ளி நாணயத்தின் பெயர் என்ன- தாம்

*அக்பர்*

💥 இந்தியாவில் முகலாய ஆட்சியை நிலை நிறுத்தியவர் யார்- அக்பர்

💥 அக்பரின் பாதுகாவலர் பெயர் என்ன- பைராம்கான்

💥 அக்பர் பிறந்த இடம் எது- அமரக்கோட்டை

💥 இரண்டாம் பானிபட் போர் நடந்த ஆண்டு என்ன- 1556

💥 ஜிஸியா வரியை ரத்து செய்தவர் யார்- அக்பர்

💥 அக்பரின் வளர்ப்பு தாய் பெயர் என்ன- மாகம் அனாகா

💥 அக்பரின் வருவாய் அமைச்சர் பெயர் என்ன- ராஜா தோடர்மால்

💥 பாகவத புராணத்தை பார்சிய மொழியில் மொழி பெயர்த்தவர் யார்- ராஜா தோடர்மால்

💥 அபுல்பாசல் எழுதிய நூல்கள் எவை- அயினி அக்பரி அக்பர் நாமா

💥 ராமாயணம் மகாபாரதத்தை பாரசீக மொழியில் மொழி பெயர்த்தவர் யார்- அபுல் பைசி

💥 அக்பரின் அவையை அலங்கரித்த சிறந்த இசைஞானி யார்- தான்சென்

💥இபாதத் கானா தொழுகை இல்லத்தை அக்பர் எந்த ஆண்டு கட்டினார்- 1575

💥 அக்பர் தீன் இலாஹி என்ற மதத்தை வெளியிட்ட ஆண்டு என்ன- 1582

💥 குஜராத் வெற்றியின் நினைவாக அக்பர் கட்டிய கட்டிடம் எது- பதேபூர் சிக்ரி

💥 ஜப்தி முறையை அறிமுகப்படுத்தியவர் யார்- அக்பர்

💥மன்சப்தாரி முறையை அறிமுகப்படுத்தியது யார்- அக்பர்

💥 தவறுபடா ஆணையினை பிரகடனப்படுத்தியது யார்- அக்பர்

*FIR இருந்தாலும்,* இனி வரும் காலங்களில் போலிஸ் வேலையில் சேரலாம்...

*FIR இருந்தாலும்,* இனி வரும் காலங்களில் போலிஸ் வேலையில் சேரலாம்... உயர்நீதிமன்றம் தீர்ப்பு இளைஞர்கள் கவனத்திற்கு..

*Judgement PDF link :*

https://drive.google.com/file/d/1h06QKhk2nD5HgqaZ2jtARihf3ikOEmaZ/view?usp=drivesdk

History and Indian National Movement Notes Pdf

🔜VASUKANNAN🔚:

ஆசிரியரும் உளவியலும் .pdf - Google Drive

https://drive.google.com/file/d/12IRijsa1ezBJLagDMr4cF7YGH8fg_4EY/view

TNPSC Indian National Movement.pdf - Google Drive

https://drive.google.com/file/d/19Y-gUo7C9cf6Lpyvkb8WVAmlUpHwnyMT/view

TNPSC History and Culture.pdf - Google Drive

https://drive.google.com/file/d/1HBB_jg9nPnuw4RLofxH4mqicO9b1dfme/view

#தமிழில் உள்ள 42 எழுத்துக்களுக்கும் தனியாக பொருள் உண்டு!!

#தமிழில் உள்ள 42 எழுத்துக்களுக்கும் தனியாக பொருள் உண்டு!!

தமிழில் உள்ள மொத்த எழுத்துக்கள் 247, இந்த 247 எழுத்துக்களில் 42 எழுத்துக்கள் ஓரெழுத்து சொல்லாக விளங்குகின்றன.

 அதாவது இந்த 42 எழுத்துக்களுக்கும் தனியாக பொருள் உண்டு. அவற்றைத் தெரிந்து கொள்வோம்.

 

அ -----> எட்டு

ஆ -----> பசு

ஈ -----> கொடு, பறக்கும் பூச்சி

உ -----> சிவன்

ஊ -----> தசை, இறைச்சி

ஏ -----> அம்பு

ஐ -----> ஐந்து, அழகு, தலைவன், வியப்பு

ஓ -----> வினா, மதகு - நீர் தாங்கும் பலகை

கா -----> சோலை, காத்தல்

கூ -----> பூமி, கூவுதல்

கை -----> கரம், உறுப்பு

கோ -----> அரசன், தலைவன், இறைவன்

சா -----> இறப்பு, மரணம், பேய், சாதல்

சீ -----> இகழ்ச்சி, திருமகள்

சே -----> எருது, அழிஞ்சில் மரம்

சோ -----> மதில்

தா -----> கொடு, கேட்பது

தீ -----> நெருப்பு

து -----> கெடு, உண், பிரிவு, உணவு, பறவை இறகு

தூ -----> வெண்மை, தூய்மை

தே -----> நாயகன், தெய்வம்

தை -----> மாதம்

நா -----> நாக்கு

நீ -----> நின்னை

நே -----> அன்பு, நேயம்

நை -----> வருந்து, நைதல்

நொ -----> நொண்டி, துன்பம்

நோ -----> நோவு, வருத்தம்

நௌ -----> மரக்கலம்

பா -----> பாட்டு, நிழல், அழகு

பூ -----> மலர்

பே -----> மேகம், நுரை, அழகு

பை -----> பாம்புப் படம், பசுமை, உறை

போ -----> செல்

மா -----> மாமரம், பெரிய, விலங்கு

மீ -----> ஆகாயம், மேலே, உயரம்

மு -----> மூப்பு

மூ -----> மூன்று

மே -----> மேன்மை, மேல்

மை -----> அஞ்சனம், கண்மை, இருள்

மோ -----> முகர்தல், மோதல்

யா -----> அகலம், மரம்

வா -----> அழைத்தல்

வீ -----> பறவை, பூ, அழகு

வை -----> வைக்கோல், கூர்மை, வைதல், வைத்தல்

வௌ -----> கௌவுதல், கொள்ளை அடித்தல்

TNPSC குரூப் 2, 2-ஏ பதவிகள் எவை? கல்வித் தகுதி, எப்படி தயாராவது விவரம்…

TNPSC குரூப் 2, 2-ஏ பதவிகள் எவை? கல்வித் தகுதி, எப்படி தயாராவது விவரம்…

தமிழக அரசின் பல்வேறு துறைகளுக்கு தேவைப்படும் ஊழியர்களை தமிழக அரசு டிஎன்பிஎஸ்சி மூலம் தேர்வு செய்து வருகிறது. கிராம நிர்வாக அதிகாரி முதல் துணை ஆட்சியர் வரை இந்த தேர்வின் மூலம் அதிகாரிகள் தேர்ந்தெடுக்கப்படுகிறார்கள். 

குரூப்-2, 2A தேர்வு

குரூப் 2 இன் கீழ் உள்ள காலி பணியிடங்களை நிரப்புவதற்காக விண்ணப்பதாரர்கள்,

முதல்கட்ட தேர்வு (Preliminary Examination),

முதன்மை/இறுதி தேர்வு (Main Written Examination), மற்றும் 

நேர்காணல் (Interview) 

ஆகியவற்றின் அடிப்படையில் தேர்வு செய்யப்படுகிறார்கள்.

பதவிகள்

நேர்முகத் தேர்வு கொண்ட குரூப் 2 தேர்வின்கீழ் நகராட்சி ஆணையர், துணை வணிகவரி அதிகாரி, சார் பதிவாளர், சிறைத்துறை நன்னடத்தை அலுவலர், உதவி தொழிலாளர் அலுவலர், இளநிலை வேலைவாய்ப்பு அலுவலர், தலைமைச் செயலக உதவி பிரிவு அலுவலர் (ஏஎஸ்ஓ), உள்ளாட்சி தணிக்கை உதவி ஆய்வாளர், கூட்டுறவு சங்கங்களின் முதுநிலை ஆய்வாளர், கைத்தறி ஆய்வாளர், வருவாய் உதவியாளர், பேரூராட்சி செயல் அலுவலர் உட்பட பல்வேறு பதவிகள் வருகின்றன.

அதே சமயம், அரசின் பல்வேறு துறைகளில் உதவியாளர், நேர்முக எழுத்தர், தலைமை செயலகம் மற்றும் டிஎன்பிஎஸ்சியில் தனிப்பட்ட எழுத்தர் போன்ற பணியிடங்கள் குரூப்-2-ஏ தேர்வு மூலமாக நிரப்பப்படுகின்றன.

கல்வி தகுதி

குரூப் 2 , 2ஏ தேர்வு விண்ணப்பித்தார்கள் அங்கீகரிக்கப்பட்ட பல்கலைக்கழகத்தில் குறைந்தபட்சமாக ஏதாவது ஒரு பட்டப்படிப்பு முடித்து இருக்க வேண்டும்.

இறுதியாண்டு படிக்கும் மாணவர்களும் இந்த வேலைக்கு விண்ணப்பிக்கலாம்.

அதேசமயம், குரூப் 2 , 2ஏ தேர்வுக்கான கல்வித் தகுதி பதவிக்கு ஏற்ப மாறுபடும். எடுத்துக்காட்டுக்கு, தனிப்பட்ட எழுத்தர் பதவிக்கு விண்ணப்பிக்க தட்டச்சு முடித்திருக்க வேண்டும்.

குரூப் 2 தேர்வுக்கு எப்படி தயாராவது? என்னென்ன புத்தகங்களை படிக்கலாம்?

குரூப் 2 தேர்வானது முதல்நிலைத் தேர்வு மற்றும் முதன்மை தேர்வு என இரு தேர்வுகளாக நடைபெறும். நேர்முகத் தேர்வு அல்லாத பதவிகளுக்கு முன்பு ஒரே ஒரு தேர்வு மட்டுமே நடத்தப்பட்டது. 

முன்பு 2022 மே 21ம் தேதி குரூப் 2, குரூப் 2 ஏ தேர்வுகள் நடைபெற்றது.

TNPSC குரூப் 2 தேர்வு என்பது என்ன?

தமிழக அரசு சார்த்த பணிகளுக்கு தேவையான திறமையான ஊழியர்களை கண்டறிய அரசு பல்வேறு போட்டித்தேர்வுகள் மற்றும் நேர்காணல் ஆகியவற்றை TNPSC சார்பில் அரசு நடத்தி வருகிறது. டிஎன்பிஎஸ்சி நடத்தும் அரசு தேர்வுகளில் ஒன்று குரூப் 2 தேர்வு ஆகும்.

டிஎன்பிஎஸ்சி குரூப் 2 தேர்வு எந்தெந்த பதவிகளுக்கு நடத்தப்படுகிறது?

சார் பதிவாளர், சிறைத்துறை நன்னடத்தை அலுவலர், உதவி தொழிலாளர் அலுவலர், இளநிலை வேலைவாய்ப்பு அலுவலர், தலைமைச் செயலக உதவி பிரிவு அலுவலர் (ஏஎஸ்ஓ), உள்ளாட்சி தணிக்கை உதவி ஆய்வாளர், கூட்டுறவு சங்கங்களின் முதுநிலை ஆய்வாளர், கைத்தறி ஆய்வாளர், வருவாய் உதவியாளர், பேரூராட்சி செயல் அலுவலர், பெண்கள் நல அலுவலர், சமூக பாதுகாப்பு, கூட்டுறவு சங்கங்களின் மூத்த ஆய்வாளர், திட்ட உதவியாளர், சிறப்பு உதவியாளர், சிறப்பு கிளை உதவியாளர், நன்னடத்தை அலுவலர், சிறைத் துறை ஆகிய பல்வேறு பதவிகள் நேர்காணல் அடிப்படையில் நிரப்படும்.

டிஎன்பிஎஸ்சி குரூப் 2A தேர்வுக்கான பதவிகள் 

நேர்முகத் தேர்வு அல்லாத பதவிகளில் அரசின் பல்வேறு துறைகளில் உதவியாளர், நேர்முக எழுத்தர், தலைமை செயலகம் மற்றும் டிஎன்பிஎஸ்சியில் தனிப்பட்ட எழுத்தர் போன்ற பணியிடங்கள் நிரப்பப்படுகின்றன.

குரூப் 2 தேர்வுக்கான வயது வரம்பு என்ன? 

குரூப் 2 மற்றும் 2A தேர்வு எழுதும் விண்ணப்பதாரர்கள் 18 முதல் 32 -க்குள் இருக்க வேண்டும். பட்ட படிப்பு படித்த பொதுப்பிரிவு அல்லாத விண்ணப்பதாரர்களுக்கு வயது வரம்பு இல்லை.

குரூப் 2 தேர்வுக்கு யார் விண்ணப்பிக்கலாம்? 

குரூப் 2 , 2A தேர்வுக்கு விண்ணப்பிப்பவர்கள் அங்கீகரிக்கப்பட்ட பல்கலைக்கழகத்தில் டிகிரி படித்திருக்க வேண்டும். இறுதியாண்டு படிக்கும் மாணவர்களும் இதற்கு விண்ணப்பிக்கலாம். ஆனால், குறிப்பிட்ட சில பதவிகளுக்கு விண்ணப்பிக்க தட்டச்சு, சுருக்கெழுத்து போன்றவை முடித்திருக்க வேண்டும்.

குரூப் 2 தேர்வு எத்தனை கட்டங்களாக நடத்தப்படும்?

குரூப் 2 தேர்வானது முதல்நிலைத் தேர்வு (Preliminary Exam), முதன்மைத் தேர்வு (Main Exam) மற்றும் நேர்காணல் (Interview) என மூன்று கட்டங்களாக நடத்தப்படும். குரூப் 2A தேர்வுகளுக்கு நேர்முகத்தேர்வு இருக்காது. எழுத்து தேர்வானது காலை 9.30 மணி முதல் பிற்பகல் 12.30 மணிவரை ஒரே ஷிப்டாக நடைபெறும். முதல்நிலைத் தேர்வானது மொத்தம் 300 மதிப்பெண்களுக்கு 3 மணிநேரம் நடைபெறும். மெயின் தேர்வு 400 மதிப்பெண்களுக்கு நடைபெறும். மெயின் தேர்வில் 1 மணிநேரம் 30 நிமிடங்கள் தாள் I -க்கும் + 3 மணிநேரம் தாள் II -க்கும் வழங்கப்படும். நேர்முகத்தேர்வுக்கு 100 மதிப்பெண்கள் வழங்கப்படும். முதல்நிலைத் தேர்வில் தகுதி பெற்றால் மட்டுமே முதன்மை தேர்வு எழுத முடியும். TNPSC குரூப் 2 தேர்வில் எதிர்மறை மதிப்பெண்கள் இல்லை. விண்ணப்பதாரர்கள் சரியாகப் பதிலளித்த கேள்விகளின் எண்ணிக்கையைக் கணக்கிட்டவுடன், அது 1 ஆல் பெருக்கப்படும்.

குரூப் 2 தேர்வுக்கான பாடத்திட்டம் 

குரூப் 2 முதல்நிலைத் தேர்வுக்கான பாடத்திட்டம்: பொது அறிவியல், நடப்பு நிகழ்வுகள், இந்திய புவியியல், இந்தியாவின் வரலாறும் பண்பாடும், இந்திய அரசியலமைப்பு, இந்திய பொருளாதாரம், இந்திய தேசிய இயக்கம், தமிழ்நாடு வரலாறு, தமிழ்நாட்டின் வரலாறு, மரபு, பண்பாடு மற்றும் சம்மோக அரசியல் இயக்கங்கள், திறனறிவும் மனக்கணக்கு நுண்ணறிவும் (புத்திக்கூர்மை). முதன்மை எழுத்து தேர்வு தாள் 1 (100 மதிப்பெண்): மொழிபெயர்த்தல், சுருக்கி வரைதல், பொருள் உணர்திறன், சுருக்கக் குறிப்பிலிருந்து விரிவாக்கம் செய்தல், திருக்குறள் தொடர்பான கட்டுரை வரைதல், கடிதம் வரைதல், தமிழ் மொழி அறிவு. முதன்மை எழுத்து தேர்வு தாள் 2 (300): பொது ஆய்வுகள் (விளக்க வகை).

TNPSC குரூப் 2 மற்றும் 2A பாஸ் மார்க் எவ்வளவு? 

குரூப் 2 தேர்வுக்கான பாஸ் மார்க்: முதன்மை எழுத்துத் தேர்வு 300 மதிப்பெண்கள், வாய்வழித் தேர்வு 40 மதிப்பெண்கள் என மொத்தம் (300+40) 340 மதிப்பெண்களுக்கு 102 மதிப்பெண்கள் பெற்றால் பாஸ். குரூப் 2A தேர்வுக்கான பாஸ் மார்க்: மொத்தம் 300 மதிப்பெண்களுக்கு 90 மதிப்பெண்கள் பெற்றால் பாஸ்.

எந்த மாதிரியான புத்தகங்கள் படிக்க வேண்டும்? 

மனோகர் பாண்டே எழுதி அரிஹந்த் பப்ளிகேஷன் வெளியிட்டுள்ள அரிஹந்த் ஜிகே புத்தகம், பஷீர் அகமது, சாம்பசிவம் எழுதி சக்தி பப்ளிகேஷன் வெளியிட்டுள்ள குரூப்-2A புத்தகம், கார்த்திகேயன் எழுதி டாடா மெக்ராஹில் வெளியிட்டுள்ள புத்தகத்தை படிக்கலாம். பொது ஆங்கில அறிவுக்கு எஸ்.ஓ.பக் ஷி எழுதி அரிஹந்த் பதிப்பகம் வெளியிட்டுள்ள அப்ஜெக்டிவ் ஜெனரல் இங்கிலீஷ் என்ற புத்தகத்தை படிக்கலாம். திறனறிதல் பாடத்திற்கு சுப்புராஜ் எழுதி சுரா பதிப்பகம் வெளியிட்டுள்ள குரூப்-2 ஆப்டிடியூட் புத்தகம், சாக் ஷி பதிப்பகம் வெளியிட்டுள்ள மென்டல் எபிலிடி டெஸ்ட் புத்தகம், அரிஹந்த் பதிப்பகத்தின் பி.எஸ்.சிஜ்வாலி, எஸ்.சிஜ்வாலி எழுதிய ‘எ நியூ அப்ரோச் டு ரீசனிங்’ ஆகிய புத்தகங்களை படிக்கலாம். தமிழ் மற்றும் ஆங்கிலத்திற்கு சக்தி பதிப்பகத்தின் டிஎன்பிஎஸ்சி சுப்ரீம் கைடு மற்றும் தமிழ்நாடு பாடநூல் கழகத்தின் பாட நூல்கள் உபயோகமாக இருக்கும். நேர்முகத் தேர்வுக்கு, பெக்கி மெக்கியின் கரியர் கான்பிடென்ஷியல், ரிச்சர்டு பிளாசவிக்கின் ‘அமேசிங் இன்டர்வியூ ஆன்சர்ஸ்’ மற்றும் ஜிகேபி பப்ளிஷர்சின் இன்டர்வியூ அண்டு ஜிடி போன்ற புத்தகங்கள் உதவிகரமாக அமையும். இதுதவிர முந்தைய ஆண்டுகளின் கேள்வித்தாள்களை படிப்பது அவசியம். பல இணையதளங்கள் குரூப்-2 தேர்வுக்கான தொடர் பயிற்சித் தேர்வுகளையும் நடத்துகின்றது. அதில் கலந்துகொள்ளலாம்.

TNPSC குரூப் 2 தேர்வை தமிழில் எழுதலாமா? 

குரூப் 1 தேர்வை தமிழ் மற்றும் ஆங்கிலம் இரண்டு வழியிலும் எழுதலாம். ஆனால், நீங்கள் தமிழ் மற்றும் ஆங்கிலம் இரண்டில் ஏதேனும் ஒன்றை மட்டுமே தேர்வு செய்ய வேண்டும். நீங்கள் தமிழ்வழியில் தேர்வு செய்தால் கடைசிவரை தமிழ் வழியில் மட்டுமே தேர்வு எழுத முடியும். ஆங்கிலத்தை தேர்வு செய்தால் ஆங்கிலத்தில் மட்டுமே தேர்வு எழுத முடியும். குரூப்-1 தேர்வுக்கு ஆன்லைனில் விண்ணப்பிக்கும் போது உங்களுக்கான விருப்ப மொழியை தேர்வு செய்யலாம்.

குரூப் 2 தேர்வுக்கு விண்ணப்பக்கட்டணம் எவ்வளவு? 

குரூப் 1 தேர்வுக்கு பதிவுக்‌ கட்டணமாக ரூ.150 மற்றும் முதனிலைத்‌ தேர்வு கட்டணம் ரூ.100, முதன்மை எழுத்துத்‌ தேர்வு கட்டணமாக ரூ.200 செலுத்த வேண்டும். விண்ணப்பதாரர்கள் கட்டணத்தை ஆன்லைன்‌ வழியாக மட்டுமே செலுத்த வேண்டும்‌.

எவ்வளவு சம்பளம் வழங்கப்படும்?

குரூப் 1 பதவிகளுக்கு தேர்வு செய்யப்படும் விண்ணப்பதாரர்களுக்கு ஊதிய நிலை 18-யின் கீழ் ரூ.36900 முதல் ரூ. 1,16,600 வரை மாத சம்பளம் வழங்கப்படும்.

குரூப் 2 தேர்வுக்கு விண்ணப்பிக்க என்னென்ன ஆவணங்கள் தேவை? 

சான்றிதழ்களின் ஸ்கேன் செய்யப்பட்ட நகல்.ஆதார் அட்டை அல்லது அரசால் வழங்கப்பட்ட ஏதாவது ஆவணம். ஸ்கேன் செய்யப்பட்ட புகைப்படம் (அகலம்: 3.5 செ.மீ, உயரம்: 4.5 செ.மீ, 50 KB-க்கு மேல் இருக்க கூடாது). ஊனமுற்றோர் சான்றிதழ் (ஏதேனும் இருந்தால்). ஸ்கேன் செய்யப்பட்ட கையொப்பம் (அகலம்: 6 செ.மீ, உயரம்: 3 செ.மீ, 50 KB க்கு மேல் இருக்க கூடாது) . உடல் தகுதி சான்றிதழ் (தேவைப்பட்டால்).

குரூப் 2 தேர்வுக்கு எப்படி விண்ணப்பிப்பது? 

முதலில், TNPSC அதிகாரப்பூர்வ இணையதளமான tnpscexams.in -க்குச் செல்லவும். பின்னர், TNPSC ஒரு முறை பதிவு உள்நுழைவு விவரங்களை நிரப்பு உள்நுழையவும். TNPSC குரூப் 1 விண்ணப்பப் படிவத்தை பூர்த்தி செய்து சமர்ப்பிக்கவும். பின்னர், தேவையான ஆவணங்களை பதிவேற்றி, விண்ணப்பக் கட்டணம் செலுத்தவும். எதிர்கால குறிப்புக்காக, TNPSC குரூப் 1 விண்ணப்பத்தை பிரிண்ட் எடுக்கவும்.